انطاکیہ

آزاد انسائیکلوپیڈیا، وکیپیڈیا توں
(انطاقیہ توں مڑجوڑ)
انطاکیہ
Antakya
دیس: ترکی
صوبہ : صوبہ ہےٹے
لوک گنتی: 202,216
بولی: ترک
اج دے ترکی چ انطاکیہ دا محل وقوع

انطاکیہ (عربی: أَنْطَاكِيَة) جنوب مغربی ترکی دا اک شہر تے صوبہ حطائے دا صدر مقام اے ، جہڑا رومی سمندر توں 20 کلومیٹر دور دریائے آسی دے کنارے واقع اے ۔ سنہ 2000ء دی مردم شماری دے مطابق شہر دی آبادی 144190 اے ۔

ایہہ شہر چوتھی صدی قبل مسیح چ سکندر اعظم دے اک جرنیل سلیوکس اول نے قائم کیتا سی ۔ 638ء چ بازنطینی سلطنت دے شہنشاہ ہراکلس دے دور حکومت چ ایہہ شہر مسلماناں نے فتح کرلئیا ، پر اوہ اناطولیہ چ زیادہ اگے نا جا سکے ، تے انطاکیہ دی حثیت 2 عظیم سلطنتاں دے درمیان اک سرحدی قصبے ہوگئی ، جہڑا اگلے 350 سال تک دوناں سلطنتاں دے ٹکراؤ دا نشانہ بن دا رہیا ۔

سنہ 969ء چ مائیکل بوزرا تے پیٹر دی یونوچ نے اسنوں دوبارہ بازنطینی سلطنت چ شامل کرلئیا ۔ 1084ء چ سلجوقیاں (سلطنت روم) نے اس شہر نوں فتح کیتا پر ایہہ صرف 14 سال اینہاں دے قبضے چ رہیا تے صلیبی جنگاں شروع ہوگئیاں ۔ پہلی صلیبی جنگ دے دوران عیسائیاں نے اس شہر دا 9 مہینے لمبا محاصرہ کیتا تے شہر تے قبضہ کرکے ساری مسلمان آبادی نوں قتل کردتا ۔ اس عظیم قتل عام دے بعد شہر نوں عیسائی امارت انطاکیہ دا صدر مقام قرار دتا گئیا تے اگلیاں 2 صدیاں تک ایہہ شہر عیسائیاں دے قبضے رہیا تے بالآخر 1268ء چ مملوک سلطان رکن الدین بیبرس نے انطاکیہ فتح کرکے صلیبیاں دا خاتمہ کردتا تے بعد چ ایہہ شہر سلطنت عثمانیہ دا حصہ بنیا ۔

جون 1098ء چ ٹرانٹو دے بوہیمنڈ دا انطاکیہ تے مل

جنگ عظیم اول تے ترک جنگ آزادی دے بعد ترک جمہوریہ قائم ہوئی ۔ اس وقت ایہہ شہر فرانس دے زیر انتظام شام چ شامل سی ، پر ترکاں دا ایہہ دعوی سی کہ ایہہ ترکی دے علاقے نیں ۔ ایتھے دی آبادی ترک ، عرب تے ارمنی باشندیاں تے مشتمل سی ، پر ترکاں دی تعداد سب توں ودھ سی ۔ شام وی اس علاقے دا دعویدار سی ۔ اس اختلاف دی وجہ توں انطاکیہ تے اسکندرون دے علاقییاں چ مئی 1937ء چ اک نیم خودمختار حکومت قائم کردتی گئی ۔ اس حکومت دی منتخب مجلس دے 40 چوں 22 ارکان ترک سن ، اس مجلس نے اتفاق رائے نال ترکی نال الحاق دا فیصلہ کیتا تے 23 جولائی 1939ء چ ایہہ دونے ضلعے ترکی چ شامل ہوگئے ۔ ترک حکومت نے انطاکیہ دا ناں بدل کے حطائے رکھ دتا پر ایہہ اج وی انطاکیہ دے ناں نال مشہور اے ۔

ہور دیکھو[سودھو]