قونیہ

Wikipedia توں
جاو: مدد, کھوج
قونیہ
Konya
Turkey map.svg
دیس: ترکی Flag of Turkey.svg
صوبہ : قونیہ
تھاں 39,000 مربع کلومیٹر
لوک گنتی: 1 979 000
بولی: ترک

قونیہ ترکی دا اک شہر اے جہڑا اناطولیہ دے وشکار وس ریا اے ۔ 2000ء دی گنتی دے ساب نال ایتھے لوک742620 وس رۓ نیں تے ایہہ صوبہ قونیہ دا گڈھ وی اے جہڑا تھاں دے نال ترکی دا سب توں وڈا صوبہ اے ۔


تریخ[لکھو]

رومی اس شہر نوں اکونیم کہندے سن ۔ اس شہر تے 1071ء ج جنگ ملاذکرد دے بعد سلجوقیاں دا قبضہ ہوگئیا تے 1097ء توں 1243ء تک ایہہ سلطنت روم دا راجگھر رہیا ، تاہم اس دوران صلیبی جنگاں دی وجہ توں ایہہ عارضی طور تے عیسائیاں دے قبضے چ وی رہیا ، جنہاں چ 1097ء چ گاڈفرے تے 1190ء چ فریڈرک باربروسا نے استے قبضہ کیتا ۔

قونیہ 1203ء توں1239ء دے دوران اس ویلے اپنے عروج تے پہنچیا اسدے سلطان نے اناطولیہ ، مشرق وسطی دے چند علاقیاں تے کریمیا تے قبضہ کرلئیا ۔ 1219ء چ ایہہ شہر خوارزم شاہی سلطنت دے مہاجراں دی پناہ گاہ بنیا ، جہڑے منگولاں دے حملے تے خوارزم شاہ دی شکست دے بعد ایتھے پہنچے ۔ 1243ء چ قونیہ تے وی منگولاں دے قبضے چ آگئيا تے سلجوقیاں دی حکومت دا خاتمہ ہوگئیا ۔

سلطنت روم دے خاتمے دے بعد قونیہ 1307ء توں 1327ء تک کرہ مانیاں دی امارت رہیا تے 1420ء چ سلطنت عثمانیہ نے اسنوں فتح کرلئیا تے 1453ء چ صوبہ کرہ مان دا صدرمقام بنا دتا ۔


تریخی واقعات[لکھو]

اس شہر چ صلاح الدین ایوبی تےعثمانی سلطان سلیم اول نے مسیتاں ( مسجداں ) بنوائیاں ۔

صوفی شاعر جلال الدین رومی دا مزار وی ایتھے واقع اے ۔

مشہور صوفی ابن عربی نے 1207ء چ اس ویلے دے سلجوقی گورنر دی دعوت تے شہر دا دورہ کیتا ۔

حضرت شاہ جلال 1271ء چ قونیہ چ پیدا ہوئے ۔