اُس پار
| اُس پار | |
|---|---|
| قسم | دستاویزی ڈراما |
| اپر بنیا | پنجابی دیہی رہتل |
| لکھاری | فرزند علی |
| ہدایت کاری | شیریں پاشا |
| دیس | پنجاب، پاکستان |
| بولی | |
| قسطاں | 12 |
| ریلیز | |
| اصل نیٹورک | پی ٹی وی |
| اصل ریلیز |
۳ مارچ ۲۰۰۰ء – 12 اگست 2000 |
اُس پار (Us Paar) اک پاکستانی ٹیلی ویژن ڈراما اے، جیہڑا مارچ 2000ء وچ پاکستان ٹیلی ویژن کارپوریشن، لاہور مرکز توں نشر ہویا۔ ایہ اک دستاویزی ڈراما اے۔ ایہدے وچ پنجاب دی دیہی زِندگی وچ درپیش مُختلف مسائل نوں اجاگر کِیتّا گیا اے تے تعلِیمّی سہُولِیات دی فراہمی، کسانّاں دے حقُوق تے دیہی کمِیوُنِٹی اِصلاحات اُتّے زور دِتّا گیا اے۔ ڈرامّے وچّ دیہاتّی پنجابی رہتل دی بَھرپُور عکاسّی کِیتّی گئی اے۔
ڈراما اُردو وچ بݨایا گیا اے تے ناݪ پنجابی زبان دی ورتوں وی کِیتی گئی اے۔ ڈرامے دِیاں باراں قِسطاں نیں۔ ایہدی ڈائریکٹر شیریں پاشا تے لکھاری فرزند علی نیں۔
پلاٹ
ایہ ڈراما پن٘ڈّ تے شہر دے خاندانّاں، کسانّاں تے زمِیندار دی حویلّی اُتّے محِیط اے۔ ایہدے بنیادّی کرداراں وچ استانّی زِینت، اسِسٹنٹ کمشنر رضوان، اوہناں دے خاندان، پنڈّ دا زمِیندار، اوہدی حویلّی دے لوک، پنڈّ دِیاں عورتاں تے کسان شامل نیں۔ استانّی زِینت شہر توں آکے پن٘ڈّ وچ تعِینات ہُن٘دی اے جیہڑی سکُول وچ کلّی استانّی اے تے اک بَن٘د سکُول نوں کھول کے اوہدے وچ تدرِیس دا سِلسلَہ شُرُوع کردی اے، سکُول پن٘ڈّ دے زمِینداراں نے بَند کیتّا ہویا سی تاکہ پن٘ڈّ دے لوک پَڑھ لکھ نہ سکݨ تے اوہناں دا کامّے بَݨ کے رہݨ۔ اوہ سکُول نوں بَن٘دّ کرن تے استانّی نوں اوتّھوں واپس بھیجّھݨ واسطے مُختلف طرِیقّیاں ناݪ تَن٘گ کَردے نیں۔ پَر استانّی پن٘ڈّ دِیاں عورتاں ناݪ مݪ کے سکُول نُوں کامیابّی ناݪ چلاؤن٘دّی اے تے پِن٘ڈّ دے لوکّاں، کسانّاں تے عورتاں نوں اپݨے حقوق لئی مُتحد کَردی اے تے شَعُور دین٘دی اے۔ استانّی دا شوہر اسسٹنٹ کمشنر بَݨ جان٘دا اے تے استانّی اوہدے کوݪ چلی جان٘دی اے۔ اوہ پن٘ڈّ دے لوکّاں نوں تَعلِیمّی تے سماجّی شَعُور دیݨ وچ تے اوہناں نوں اِستحصالّی طبقے دے غلبے توں آزاد کرن وچ کامیاب ہوجان٘دی اے۔ پنڈّ دے لوک اک بہتر مُستقبل تے اپݨے حقُوق لئی جدّوجہد کَردے نیں۔
کاسٹ
| اداکار | کردار |
|---|---|
| عاصم بخاری | بابا جانی |
| ثانیہ سعید | استانّی زِینت |
| یاسر ہاشمی | اسسٹنٹ کمشنر رضوان |
| غیور اختر | حاکم |
| ریحانہ صدیقی | |
| ملک جمیل | |
| نوید صدیقی | اسرار |
| فرح طفیل | |
| اسلم راؤ | کسان |
| طارق مصطفا | زمِینداراں دا نَوکّر |
| صائمہ سلیم | پروِین |
| فریحہ جبین | |
| انیتا کیمفر | فجری |
| ماسی شیداں | |
| عابد مقبول | فارُوق |
| مختار احمد | مختار |
| سعید فلاح الدین | جیونو |
| اشرف فاروقی | سراج دین |
| وسیم شاہین | لاٹُو |
| اسلم شاہین | قدُوس کیرالا |
موسِیقّی
ایس ڈرامے لئی لِرکس زاہد فخری نے ترتِیب دِتّے۔ شازیہ منظور تے علی شان نے ایہنوں گایا۔
| اُس پار |
|---|
| اُس پار اُترنے کا اک خواب سا دیکھا ہے جُگنُو سَنگ اُڑنے کا اک خواب سا دیکھا ہے |