شیریں پاشا
| شیریں پاشا | |
| جمݨستھان : | دہلی، برٹش انڈیا |
| جمݨ تریخ : | 14 فروری، 1946ء |
| جنس : | سواݨی |
| مذہب : | اسلام |
| تعلیم : | گریجوئیشن آرٹ فِلم سازی |
| مادر علمی : | نیشنل کالج آف آرٹس |
| پیشا : | دستاویزی فلمساز، ڈائریکٹر، پروڈیوسر، لکھاری |
| صنف : | ڈاکیومنٹری، ڈاکیومنٹری ڈراما |
| دور فعالیئت : | 1975ء-2013ء |
| IMDb اُتے : | شیریں پاشا |
| ایوارڈ : | پرائڈ آف پرفارمنس 2005ء |
شیریں پاشا (Shireen Pasha)، اک ڈاکیومنٹری فلم ساز، ڈاکیومنٹری ڈراما ساز، ڈائریکٹر، پروڈیوسر تے لکھاری نیں۔ اوہناں دا تعلّق لہور، پنجاب، پاکستان توں اے۔ اوہناں نے دی فِلم میکرز دے نام توں لہور وچ اک فِلم ہاؤس قائم کیتا۔
اوہناں نے پاکستان ٹیلی ویژن لئی کئی ڈاکیومنٹری فِلماں تے ڈاکیومنٹری ڈرامے بݨائے۔ ایہناں وچ چولستان تے دی والڈ سِٹی آف لاہور سمیت کئی ڈاکیومنٹریز شامل نیں۔ پی ٹی وی واسطے پنجابی دیہی رہتل اُتے مبنی ڈاکیومنٹری ڈراما اُس پار ڈائریکٹ کیتا جیہڑا 2000ء وچ پی ٹی وی توں نشر ہویا۔ فیر ذاتی پروڈکشن وچ گلی میں مچ گیا شور بݨایا، ایہنوں شیریں پاشا دی بیٹی زیب النساء پاشا نے ڈائریکٹ کیتا، بطور ڈائریکٹر زیب النساء دی ایہ پہلی ڈائریکشن اے۔ بَعد وچ زیب النساء نیو یارک دی بفلو سٹیٹ یونیورسٹی وچ رائٹنگ ڈیپارٹمنٹ ناݪ مُنسلک ہوگئیاں۔
شیریں نے 1968ء وچ الحمرا آرٹس کونسل وچ پینٹنگز دا پہلا اک شخصی شو کیتا۔ 1996ء وچ ہالی ووڈ وچ اک پروگرام لئی سکالرشپ حاصل کیتا۔ 1975ء توں 1990ء تَک پاکستان ٹیلی ویژن ناݪ وابستا رہیاں۔ 2004ء توں 2013ء تَک نیشنل کالج آف آرٹس وچ تدریسی خِدمات انجام دِتیاں۔
اوہناں دے والد آئی سی ایس آفیسر سن تے والدہ دا تعلق اندرون لہور موچی دروازہ توں سی، ایتھے شیریں دے نانا دی حویلی سی، جِتھے اوہناں نے اندرون لہور دی ثقافت دا بہت نزدیک توں مشاہدَہ کیتا۔
تعلیم
[سودھو]شیریں پاشا نے 1964ء وچ نیشنل کالج آف آرٹس لہور وچ داخلہ لیا۔ 1968ء وچ ایتھوں گریجوئیشن کرن توں بَعد اوہناں نے آرٹ دی تاریخ وچ امریکا وچ اپݨی تعلیم نوں اگّے ودھایا۔ گریجوئیشن توں بَعد بِنگمٹن وچ نیو یارک دی سٹیٹ یونیورسٹی (بِنگمٹن یونیورسٹی) وچ آرٹ دی تاریخ وچ میجر لئی امریکا روانا ہوئیاں۔ امریکا وچ اوہناں نے فِلم سازی وچ شارٹ کورس کیتا۔
فنی کیریئر
[سودھو]شیریں پاشا نے 1975ء وچ پاکستان ٹیلی ویژن جوائِن کیتا تے 1990ء تَک پی ٹی وی ناݪ مُنسلِک رہیاں۔ اوہناں نے لہور وچ دی فلم میکرز دے نام ناݪ اپݨا فِلم ہاؤس بݨایا جیہدی اوہ ڈائریکٹر بݨیاں۔
2004ء وچ نیشنل کالج آف آرٹس لہور وچ ڈیپارٹمنٹ آف فِلم اینڈ ٹیلی ویژن قائم کیتا گیا۔ شیری پاشا نوں ڈیپارٹمنٹ دی ہیڈ مقرر کیتا گیا۔ اوہناں نے 2004ء توں 2013ء تَک نیشنل کالج آف آرٹس وچ تدریسی خِدمات انجام دِتیاں۔ شعبہ فِلم اینڈ ٹی وی دے قیام وچ اوہناں دا اہم کردار اے۔
اپݨے فلم بینر، دی فلم میکرز دے تحت کَم کرن توں علاوَہ اوہ اپݨا وقت ٹورنٹو تے لہور وچ گزاردیاں نیں۔
ڈاکیومنٹریز
[سودھو]| سال | ڈاکیومنٹری فِلم/ڈراما | نوٹ |
|---|---|---|
| 1980 | چولستان | ڈاکیومنٹری |
| Before It’s Too Late | ڈاکیومنٹری | |
| Nathan in the Land of Sufis | ڈاکیومنٹری | |
| صُبحِ لاہور | ڈاکیومنٹری | |
| نقوش | ڈاکیومنٹری | |
| Travelogue Pakistan | ڈاکیومنٹری | |
| 1985 | Portrait of Lahore | ڈاکیومنٹری |
| 1995 | The Walled City of Lahore | ڈاکیومنٹری |
| 1993 | The Only Way | ڈاکیومنٹری |
| 1995 | حوا کے نام | ڈاکیومنٹری |
| 1995 | Faces of Eve | ڈاکیومنٹری |
| 1996 | اور وہ رقص کرتی رہی | ڈاکیومنٹری |
| 2000 | اُس پار | ڈاکیومنٹری ڈراما |
| 2002 | The Ruti Eaters | ڈاکیومنٹری |
| 2004 | گلی میں مَچ گیا شور | ڈاکیومنٹری ڈراما |
| 2005 | ہیما | ڈاکیومنٹری |
| 2009 | Slowly Slowly Mud and Lotus | ڈاکیومنٹری |
ایوارڈ
[سودھو]شیریں پاشا نوں فَن دے شعبے وچ خِدمات، دستاویزی فِلماں تے دستاویزی ڈرامے بݨاؤݨ تے دستاویزی میلےآں دا اِنعَقاد کراؤݨ دے صِلے وچ صدر پاکستان نے 14 اگست 2005ء نوں اعلا قومی ایوارڈ پرائڈ آف پرفارمنس ناݪ نوازیا، جیہڑا 23 مارچ 2006ء نوں عطاء کیتا گیا۔