ایرخ ہارٹمان

وکیپیڈیا توں
جاؤ: پاندھ, کھوج
ایرخ ہارٹمان
Erich Hartmann.jpg
سب توں بعوتے جعاز مارن والا
جمن پو: بادنورتمبرگ جرمنی
جیون : 19 اپریل 1922 - 20 ستمبر 1993
وفاداری: نازیFlag of the German Reich (1935–1945).svg جرمنی

ایرخ ہارٹمان اک جرمن پائلٹ سی جینے دوجی وڈی لڑائی چ سب توں بعوتے دشمن دے جعاز تباہ کرن دا ریکارڈ بنایا۔

ایرخ ہارٹمان 19 اپریل 1922 نوں بادن ورتمبرگ جرمنی چ جمیا۔ اودا پیو ڈاکٹر سی۔ جرمنی ج برا ویلہ ہون تے ایہ ٹبر چین آگیا پر چین توں وی ایناں نوں واپس مڑنا پیا۔ ہارٹمان دی ماں پائلٹ سی تے اونے اپنی ماں توں گلائڈر اڈانا سکھیا۔ اودی ماں نے جدوں پائلٹاں دا سکول کھولیا تے 14 ورے داایرخ اوتھے استاد لگ گیا۔ 1939 چ اونوں پائلٹ دا لسنس لب گیا۔ اکتوبر 1940 نوں جرمن ائیر فورس چ آگیا۔ اکتوبر 1942 چ اودی فوجی سکھلائی پوری ہوگی۔

اوہ روس آلے پاسے جعازاں دی لڑائی چ لگ گیا۔ 25 مئی 1943 نوں اونے پہلا جعاز ماریا۔ 7 جولائی 1943 نوں کرسک دی لڑائی چ اوہنے روس دے 7 جعاز مارے۔ اگست 1943 دا مہینہ ٹرن تے اوہ 50 جعاز شکار کرچکیا سی تے اگست دا مہینہ مکن تے 48 جعاز ہور شکار کیتے۔ اگست دے مکن تک اوہ 90 دے نیڑے ہوائی لڑائیاں جت چکیا سی۔ 19 اگست نوں اودا جعاز دشمن دے تھاں وچ ڈگ پیندا اے اوہ پھڑیا جاندا اے پر اوہ روسیاں کولوں نس جاندا اے تے اپنے سنگیاں نوں آ ملدا اے۔

اکتوبر 1943 وج اوہنے 33 ہور روسی جعاز پھڑکا دتے تے اونوں رتر کروز دا تمغہ دتا گیا۔ سال مکن تے اوہ 159 جاز پھڑکا چکیا سی۔ 1944 دے پہلے دو مہینیاں چ اونے 54 ہور جعاز مارے۔ اودے افسراں نوں اودے داویاں تے شک ہویا اوناں اودے پچھے اک بندہ بہا دتا جیڑا ویکھدا سی کہ اونے کنے جعاز ڈیگے۔ دو مارچ 1944 تک اوہ 202 جعاز پھڑکادتے سن تے روسیاں نیں اودے سر دا مل 10000 روبل لا دتا۔ 17 اگست 1944 نوں جدوں اونے 274واں جعاز سٹیا تے اوہ سب توں بوتا جعاز گران والا پائلٹ بن گیا۔ روسی پائلٹ اونوں ویکھ کے راہ چھڈ جاندے سن۔ 23 اگست 1944 نوں اونے 3 لڑائیاں جتیاں۔ 11 جعاز سٹے تے اودا ریکارڈ 290 تے اپڑ گیا۔ اگلے ای دن 24 اگست اوہ 300 دے ھندسے تے پونچ گیا جدوں اونے 11 جعاز سٹے۔ ہٹلر نے اونوں راسٹنبرگ بلا کے تمغہ دتا۔ 10 ستمبر 1944 نوں اونیں ارسولہ نال ویاہ کر لیا۔ 17 اپریل 1945 نوں اونے اپنے 350 شکار کیتا۔ 8مئی 1945 نوں یورپ چ لڑائی دے انتم دن برونو چیکوسلوواکیہ تے اونے اپنا آخری جعاز مار گرایا۔ 24 مئی 1945 نوں اونوں روس دا قیدی بنا لیا گیا۔ 1955 تک اوہ قید چ ریا۔ چرمن ہوائی فوج وچ دوبارہ آگیا جتھوں اوہ 1970 چ ریٹائر ہویا۔ 1993 نوں اوہ مرگیا۔

بارلے چوڑ[لکھو]