بلال فلپس

وکیپیڈیا توں
Jump to navigation Jump to search

ابو امینہ بلال فلپس مشہور اسلامی داعی نیں ، جہڑے جمیکن نژاد عیسائی خاندان دے فرد سن تے بعد چ اسلام قبول کرلئیا ۔ اسلام قبول کرن دے بعد نا صرف اوہناں نے موسیقی نوں چھڈ دتا بلکہ اسلامی فقہ چ ڈاکٹریٹ دی سند حاصل کیتی تے خود نوں اسلام دی تبلیغ لئی وقف کردتا ۔

ابتدائی زندگی[لکھو]

ڈاکٹر بلال فلپس 1947ہ چ جمیکا چ پیدا ہوئے پے ابتدائی زندگی کینیڈا چ گزاری تے تعلیم وی اوتھوں ای حاصل کیتی ۔ مذہبا عیسائی سن تے کالج توں بائیو کیمسٹری چ گریجوئیشن کیتی ۔ اس دور چ کیمونزم توں متاثر ہوئے تے چین دا دورہ وی کیتا ، پے کیمونسٹ لیڈراں دے قول و فعل چ تضاد تے نظم و ضبط دے فقدان توں دلبرداشتہ ہوکے دہریت تے کیمونزم توں نفرت کرن لگے۔

قبول اسلام[لکھو]

کینیڈا چ کالج دی تعلیم دے دوران اینہاں دی اک جانن والی خاتون نے اسلام قبول کرلئیا ، فیر اس دے بھائی نے وی اسلام قبول کرلئیا ، تدھ ڈاکٹر بلال نے وی مختلف مذہباں دا مطالعہ شروع کیتا ۔ اس دوران اوہناں نے اک خواب وی ویکھیا جس نے اوہناں دے اندر خدا دے وجود دا یعقین پیدا کیتا ۔ حق دی تلاش دے دوران اوہناں نوں سید قطب دی کتاب " اسلام تے جدید ذہن دے شبہات " پڑھن دا اتفاق ہوئیا تے فیر مولانا مودودی دے رسالے دینیات دا انگریزی ترجمہ " ٹو وارڈز انڈرسٹینڈنگ اسلام " پڑھیا جس نال اوہناں نوں اسلام وی حقانیت دا یعقین ہوگئیا ۔ تے اوہناں نے کالج چ اسلام دا دفاع کرنا شروع کردتا تے بالآخر کجھ عرصہ غور و فکر کرن دے بعد 1972ء اسلام قبول کرلئیا ۔

ڈاکٹر بلال اسلام قبول کرن توں پہلے کینیڈا دے شہر ٹورنٹو چ اک نائٹ کلب چ اک میوزیکل گروپ دا رکن سی تے اپنے گروپ چ گٹارسٹ سی ، پر اسلام قبول کرن دے بعد اوہناں نے موسیقی نوں ہمیشہ لئی چھد دتا تے اپنے آپ نوں اسلام دی تبلیغ نال وابستہ کرلئیا ۔

ڈاکٹر بلال فلپس دے والدین سعائی سی ، والد انگریزی دا استاد سی ، غیرمسلم ہون دے باوجود اوہ اپنے پتر دیاں اسلام تے کتاباں دی پروف ریڈنگ کردا سی ۔ ڈاکٹر بلال مسلسل اپنے غیرمسلم والدین نوں اسلام دی تبلیغ کر دے رہندے تے ہمت نا ہاری تے بالآخر 20 سال دی محنت دے بعد اینہاں دے والدین نے اسلام قبول , کرلئیا ۔