بنتوستان

Wikipedia توں
جاو: مدد, کھوج
دکھنی افریقہ دا نقشہ


بنتوستان ،کالے افریقیاں دا وطن ، نسلی امتیاز دی پالیسی دے تحت دکھنی افریقہ تے لہندے دکھنی افریقہ( ہن نمیبیا) دے کالے باشندےآں لئی بنائے گئے علاقے سن ۔ 10 بنتوستان جنوبی افریقہ تے 10 ای جنوب مغربی افریقہ چ علیحدہ علیحدہ قومیت دے کالے لوکاں لئی بنائے گئے سن ۔ اینہاں دے بنان دا مقصد ہر بنتوستان چ ایتھے وسن آلی قومیت دی اکثریت آباد کر کے دکھنی افریقہ دے کالےآں دیاں خودمختار قومی ریاستاں بنانا سی ۔

File:Southafricanhomelandmap.png
دکھنی افریقہ چ بنتوستاناں دا نقشہ ، 1986ء

اس دا دوجا مقصد ہر قومیت دے لوکاں نوں علیحدہ علیحدہ کرنا سی تاکہ جنوبی افریقہ دی نسلی امتیاز تے مبنی گوری حکومت نوں ، جہڑی کہ اقلیت چ سی ، نوں کالےآں توں کوئی خطرہ ناہوئے تے نا ای کالے اکٹھے ہو کے اتحاد کر سکن کیونجے اینہاں بنتوستاناں دیاں سرحداں وی آپس بوہت گھٹ ملدیاں سن تے ایہہ اونج وی نکے نکے ونڈے ہوئے علاقے سن ۔

نمبیا چ بنائے گئے بنتوستاناں دا نقشہ ، 1978ء

اس دا تیجا مقصد دکھنی افریقہ چ آباد گوری گھدٹ گنتی دی اکثریت بنانا سی کیونجے بنتوستان چ وسن آلے کالےآں دی جنوبی افریقہ دی شہریت ختم کر دتی جاندی سی ۔

بنتوستان دی اصطلاج سب توں پہلاں 1940ء دی دہائی دے آخیر چ ورتی گئی ۔ بنتوستان 2 لفظاں " بنتو" ( بنتو بولی چ مطلب لوک) تے "ستان"(فارسی لاحقہ مطلب جگہ یاں تھاں) توں مل کے بنائیا گئیا اے تے اج کل لفظ بنتوستان اوس علاقے یاں دیس لئی ورتئیا جاندا اے جہڑا نکے نکے ٹکڑےآں چ ونڈئیا جائے یاں اس دیس چ کوئی حقیقی حکومت ناہوئے ۔


کجھ بنتوستاناں نے آزادی وی لے لئی سی ۔ دکھنی افریقہ چ ٹرانسکیئی ، وینڈا ، باپوتھاٹسوانا تے سیسکیئی نے اپنی آزادی دا اعلان کیتا تے دوجے جداں کوازولو ، لیبووا تے قواقوا نے نیم خودمختاری حاصل کر لئی ۔ لہندے دکھنی افریقہ چ اووامبولینڈ ، کوانگولینڈ تے چڑھدے کپریوی نے آزادی حاصل کیتی ۔ پر اینہاں دی آزادی جنوبی افریقہ دے سوا کسے ہور دیس نے نئیں منی ۔

تخلیق[لکھو]

بنتوستاناں چ جیون[لکھو]

1994ء دے مگروں[لکھو]

بنتوستاناں دی فہرست[لکھو]