تیان شان

آزاد انسائیکلوپیڈیا، وکیپیڈیا توں
کوہ تیان شان دی سبتوں اچی چوٹی حان تنگری سورج ڈبن ویلے

تیان شان ایشیا دا اک پربت دھارا اے ۔ ایہہ پربت دھارا تکلامکان روہی دے اتلے تے لہندے چ قازقستان ، کرغیزستان تے چین دے لہندے صوبے سنکیانگ (چڑھدا ترکستان) دی سرحد تے واقع اے ۔ لہندے چ ایہہ پربت دھارا ، سطح مرتفع پامیر نال ملئیا ہوئیا اے ۔

اس پربت دھارادی سب توں اچّی چوٹی جینگش چوکوسو ( بلندی 4148 میٹر) اے جس نوں انگریزی چ وکٹری پیک آکھئیا جاندا اے ۔ ایہہ کرغیزستان تے چین دی سرحد تے جھیل اسیک کول دے لہندے دکھن چ واقع اے ۔ دوجی بلند ترین چوٹی خان تنگری اے جہڑی 7010 فٹ اچی اے ۔

اس پربت دھارا توں نکلن آلے اہم دریاواں چ سر دریا ، الی دریا تے تارم دریا شامل نیں ۔

اس علاقے چ سب توں پہلے پہنچن آلا یورپی باشندا روس دا پیٹر سمینوف سی ، جس نے 1850ء دی دہائی چ ایتھے دا دورہ کیتا تے تیان شان دی تفصیلات نوں بیان کیتا ۔