جزائر ڈوکینیز

آزاد انسائیکلوپیڈیا، وکیپیڈیا توں

دوکینیز (معنی:12) بحیرہ ایجئین چ 12 وڈے تے 150 نکے جزیرےآں تے مشتمل خطہ اے جہڑا یونان دا حصہ اے ۔ ایہہ جزیرے ترکی دے دکھنی لہندے ساحلاں دے نال واقع نیں ۔ ایہہ شاندار تریخ رکھدے نیں ایتھے تک کہ نکے تے غیر آباد جزیرےآں تے وی گرجے تے گھبلے وقتاں دے قلعے پائے جاندے نیں ۔

یونان چ ڈوڈکینیز جزیرےآں دا محل وقوع
جزیرہ رہوڈوس تے ٹائٹاں دے گرینڈ ماسٹر دا محل

یونان دے زیرانتظام ایہہ خطہ کل 163 جزیرےآں تے مشتمل اے جنہاں چ 26 غیر آباد نیں ۔ 12 وڈے جزیرےآں نیں جنہاں دے ناں تے ایہہ ڈوڈکینیز آکھواندا اے ، اینہاں چ تریخی طور تے سب توں ودھ اہمیت جزیرے رہوڈوس دی اے ۔

شہر رہوڈوس 408 قبل مسیح چ بسائیا گئیا تے ایہہ جزیرہ 332 ق م چ سکندر اعظم دی سلطنت دا حصہ بنئیا ۔

305 ق م چ دمترس دے ناکام محاصرے دے بعد سورج دیوتا ہیلیوس دا اک وڈا مجسمہ نصب کیتا گئیا جہڑا رہوڈس دے مجسمے دے ناں نان جانئیا جاندا اے ۔

تیجی صدی عیسوی چ رہوڈوس اپنے عروج تے پہنچ گئیا تے یونان دا سب توں تہذیب یافتہ تے خوبصورت شہر بن گئیا ۔

395ء چ رومی سلطنت دی ونڈ دے نال ای رہوڈوس چ طویل بازنطینی دور دا آغاز ہوئیا ۔

672ء چ پہلے اموی بادشاہ معاویہ دی فوجاں نے رہوڈوس تے مل مار لئیا تے پہلی صلیبی جنگ تک ایہہ مسلماناں دے کول رہئیا ، جدوں اس نوں بازنطینی حکمران نے واپس لے لئیا ۔ 1309ء چ نائٹس ہاسپٹلرز نے جزیرے توں بازنطینی سلطنت دی حکومت دا خاتمہ کر دتا تے شہر نوں یورپی طرز ت ے اسارئیا ۔