جگت ماں بولی دیہاڑ

وکیپیڈیا توں
Jump to navigation Jump to search

جگت ماں بولی دیہاڑ ماں بولی دی اہمیت نوں اجاگر کرن لئی ہر سال 21 فروری نوں منایا جاݨ آلا دیہاڑ اے ۔ ایہ دیہاڑ مناوݨ دا اعلان یونیسکو نے 17 نومبر 1999 نوں کیتا سی ۔ اقوام متحدہ دی جنرل اسمبلی نے 2008 وچ 2009 نوں بولیاں دا جگت ورھا مناوݨ دا فیصلا کیتا ۔ جگت ماں بولی دیہاڑ ہر ورھے سن 2000 توں منایا جارہیا اے ۔

ایہ دیہاڑ 1952 وچ 21 فروری دے دیہاڑ دی یاد وچ منایا جاندا اے جدوں پاکستانی پولیس نے ڈھاکہ چڑھدے پاکستان (ہُݨ بنگلا دیش) وچ اپݨی ماں بولی دی مانگ کردے ہوئے پڑھیاراں اُتے گولی چلا دتی تے 4 نوں مار دتا ۔ ایس توں پہلاں 21 مارچ 1948 نوں ڈھاکا وچ محمد علی جناح نے چڑھدے پاکستان تے لہندے پاکستان وچ اکو بولی اردو لاگو کرن دا آکھیا ۔

16 مئی 2009 نوں اقوام متحدہ دی جنرل اسمبلی نے اپنے A/RES/61/266 دے فیصلے وچ اپنے سنگی دیساں نوں " جگ دیاں ساریاں ورتیاں جاݨ والیاں بولیاں نوں بچاوݨ تے ودھاوݨ لئی کہیا"۔


پنجاب وچ پنجابی زبان لاگو کرن لئی دکھالا
پنجاب وچ پنجابی زبان لاگو کرن لئی دکھالا
شہید مینار ڈھاکا بنگلا دیش 21 فروری 1952 نوں مرن والیاں دی یاد وچ

باہرلے جوڑ[لکھو]