جیمز کک

آزاد انسائیکلوپیڈیا، وکیپیڈیا توں

جیمز کک (1728 1779) برطانیہ دا اک کھوجی تے نقشے بنان والا سی۔

جیمز کک یارکشائر، انگلینڈ دے اک پنڈ مارٹن چ 7 نومبر 1728 نوں جمیا۔ کک اٹھ پعین پعراواں چوں دوجے نمبر تے سی۔ اودا پیو اک سکاٹ کھیت مزدور جیمز کک تے ماں یارکشائر دی گریس پیس سی۔ 1741 چ 5 ورے سکول جان مگروں اودے پیو نے اونوں وائی بیجی تے لادتا۔ 1747 چ اوہ اک سمندری جعاز تے چلا گیا۔ جعاز تے کم کردیاں ہویاں اونے الجبرا جمیٹری تے ہور رلدیاں سائینسان پڑھیاں۔ 1752 چ اونے مال ٹعون والے جعاز تے کم کیتا۔ ست ورہ لڑائی باجون اونے 1755 چ اوہ سمندری فوج چ چلا گیا۔ اکتوبر نومبر 1755 چ اونے اک فرانسیسی جیعاز تے مل مارن تے دوجے نوں ڈبون چ حصہ لیا۔ کینیڈا چ ہون والی لڑائی چ اودے بناے ہوۓ نقشے نے بڑا کم کیتا۔ 1760 دے وریاں چ اونے نیوفاؤنڈلینڈ دے اوکھے کنڈیاں دے اونے نقشے بناۓ۔

پہلا سفر (1768 - 1771)[سودھو]

1766 چ رائل سوسائٹی نے اونوں اپنے کم لیا رلایا تے 1768 چ بحرالکاہل پاندھی وینس نوں تکن لئی کلیا۔ اوہ لیندے ول جاندیاں کیپ ہارن، دکھنی امریکہ کولوں لنگیا تے تاہیتی 13 اپریل 1769 نوں اپڑیا۔ سوسائی دا کم کرکے اوہ دکھن ول مڑیا تے نیوزی لیند اپڑیا تے ایدے نقشے بناۓ ایس کم مگروں اونے لیندے ول اپنے جعاز نوں موڑیا تے 19 اپریل 1770 نوں اسٹریلیا دے دکھنی چڑھدے کنڈے تک اپڑیا۔ اوہ پہلا یورپی سی جیہڑا ایتھے اپڑیا۔ جوزف بینکس وی ایس سفر چ اودے نال سی۔ 12 جولائی 1771 نوں اوہ انگلینڈ واپس اپڑیا۔ انگلینڈ ج اودیاں لکھتاں چھپیان جناں نے اونون ہیرو بنا دتا۔

دوجا سفر (1775 - 1772)[سودھو]

1772 چ جیمز کک اپنے دوجے سفر تے گیا ایس وچ اونے تھلوین سمندراں دی کھوچ کیتی تے انٹارکٹکا دے نیڑے اپڑیا۔

تیجا سفر (1779 - 1776)[سودھو]

لال لین پہلا سفر، ہری دوجا تے نیلی تیجا سفر دسدی اے۔

تیجے سفر دا وڈا کم براعظم امریکہ دے اتوں اوہ ران ٹعونڈنا جیہڑا بحرالکاہل تے وڈا سمندر اوقیانوس نوں رلاۓ۔ 1778 نوں اوہ ہوائی دے جزیرے پونچیا تے اوہ پہلا یورپی سی جیہڑا ایتھون تک اپڑیا۔ فیر اوہ اتے ول جاندا ہویا بیرنگ سٹریٹ اپڑیا پر اوہ جس کم لئی آیا سی اوہ ران ناں لبیا۔ 1778 چ اوہ واپس ہوائی دے جزیرے تے اپڑیا۔ 14 فروری 1779 نوں اونوں ہوائی دے لوکاں نے جناں تے اونوں چوری دا شبہ سی ماردتا۔ مرن ویلے اوہ 50 ورے دا سی۔