دیول

آزاد انسائیکلوپیڈیا، وکیپیڈیا توں

دیول : ایہہ جٹاں دا اک چھوٹا گوت ہے۔ ایہہ جگدیؤ پنوار دی بنس وچوں ہن۔ ایہناں دا مڈھ وی لدھیانہ ضلع ہی ہے۔ ایہہ بہتے مالوے وچّ ہی ہن۔ لدھیانے وچّ ساہنیوال تے ڈانگو، فریدکوٹ وچّ ڈھیماں والی، بٹھنڈے وچّ کیسر سنگھ والا اتے سنگرور وچّ بجیدگڑھ، بالیاں آدی وچّ وی ایہہ کافی وسدے ہن۔

ایہہ لدھیانے توں ہی مالوے تے ماجھے ولّ گئے ہن۔ امرتسر دے کھیتر وچّ دیول جٹّ کافی ہن۔ ماجھے دے پرسدھ پنڈ ولٹوہا وچّ اک پتی دیول جٹاں دی ہے۔ دوآبے وچّ دیول جٹّ بہت گھٹّ ہن۔

دیول گوت دا موڈھی جگدیؤ بنسی دیول سی۔ اس گوت دے لوک اولکھ، سیکھوں، بوپارائے تے دلیو جٹاں نوں اپنے بھائیچارے وچوں مندے ہن۔ دیول تے دیول اکو ہی گوت ہے۔ اچارن وچّ ہی فرق ہے۔

پرسدھ ایکٹر دھرمندر ساہنیوال دا دیول جٹّ ہے۔

مہان ودیک ماہر پرنسپل اقبال سنگھ وی پنڈ بوپارائے کلاں دا دیول جٹّ سی۔ پنجاب وچّ دیول جٹاں دی گنتی بہت ہی گھٹّ ہے۔ لدھیانے کھیتر وچوں کافی دیول امریکہ تے کینیڈا آدی باہرلے دیشاں وچّ چلے گئے ہن۔ دیول پرماراں دا اک اپگوت ہی ہے۔

راجے جگدیؤ دے سمیں 1160 عیسویں تکّ پنجاب وچّ پرماراں دا بول-بالا سی۔ راجے جگدیؤ پرمار دی موت مگروں جگدیؤ بنسی دیؤل، دیؤل، اولکھ، سیکھوں، ککڑ تے گرم آدی 21 گوتی راجپوت گھرانے مسلمان راجیاں دا ٹاکرا کردے-کردے آخر ہار گئے۔ اوہ بھومیئے بنکے وسن لگے۔ 1225 عیسویں دے لگبھگ خاندان غلاماں دے بادشاہ شمس الدین التمش دے سمیں اوہ بری طرحاں ہار کے ملوئی جٹاں وچّ وی رلمل گئے۔

اپنے وڈیریاں دے نام تے اپنے نویں گوت رکھ لئے۔ کجھ پچھڑیاں ‘تے دلت ذاتیاں وچّ شامل ہو گئے سن۔ دیول جگدیؤ بنسی جٹاں دا اگھا تے چھوٹا گوت ہے۔ دیولاں دی گردن چھوٹی تے اکھاں موٹیاں ہندیاں ہن۔ لدھیانے کھیتر وچّ ڈانگو، کھڈرو تے سکھ دولت آدی دیولاں دے پرسدھ پنڈ ہن۔