رمیش سنگھ اروڑا

رمیش سنگھ اروڑا
Ramesh Singh Arora
جنمستھان :	ضلع ننکاݨا صاحب، پنجاب (پاکستان)
جمݨ تریخ :	11 اکتوبر 1974
دیس :	پاکستان
قوم :	پنجابی
کَم :	سیاست دان
سیاسی جماعت :	مسلم لیگ ن
مادر علمی :	پنجاب یونیورسٹی
کَم :	سیاست دان، سوشل ورکر

رمیش سنگھ اروڑا اک پاکستانی پنجابی سیاست دان نیں ۔ اوہناں دا تعلق پنجاب دے ضلع ننکاݨا صاحب نال اے ۔

نِجی جیون تے تعلیم

رمیش اروڑا 1974 نوں ننکاݨا صاحب پنجاب وچ پنجابی سکھ گھرانے وچ پیدا ہوئے ۔ اوہناں دا ٹبر 1965 وچ لائلپور توں ننکاݨا صاحب آباد ہو گئے ۔ رمیش سنگھ اروڑا نے 1997 وچ پنجاب یونیورسٹی توں ماسٹر ڈگری حاصل کیتی تے اس توں بعد مائیکرو فنانس تے ادارہ جاتی ترقی دے ماہر دی حیثیئت نال ورلڈ بینک دے نال کَم شروع کیتا ۔ اوہناں نے 2000 وچ ایم بی اے نال گریجوئیشن کیتا ۔

سیاسی تے سماجی کیریئر

رمیش سنگھ اروڑا دا تعلق مسلم لیگ ن نال اے ۔ اوہ مسلم لیگ ن ولوں 2013 وچ پنجاب اسمبلی دے مِمبر بݨے ۔ اوہ پاکستان دی تریخ وچ مِمبر اسمبلی مُنتخب ہوݨ آلے پہلے سکھ نیں ۔ اوہناں نے 2011 توں 2013 دے درمیان اقلیئتاں دے قومی کمیشن دے مِمبر ، 2009 توں 2013 تک پاکستان سکھ گردوارہ پربندھک کمیٹی دے جنرل سکریٹری تے 2008 توں 2013 دے درمیان چیف ایگزیکٹِڡ موجاز فاؤنڈیشن دی حیثیئت نال خِدمات انجام دِتیاں ۔ اس وقت اوہ کامرس اینڈ انویسٹمنٹ دے متعلق اسٹینڈنگ کمیٹی دے چیئرمین دے طور تے کَم کردے نیں ۔ اوہ پاکستان سکھ گردوارہ پربندھک کمیٹی دے مِمبر تے پاکستان سکھ کونسل دے سرپرست اعلا نیں ۔