انگلش چینل

رودبار انگلستان دا نقشہ

رودبار انگلستان یا انگلش چینل بحر اوقیانوس دا اک حصہ ہے جو برطانیہ عظمی نوں شمالی فرانس توں جدا تے بحیرہ شمال نوں بحر اوقیانوس نال منسلک کردا ہے۔ ایہ 563 کلومیٹر (350 میل) طویل تے زیادہ توں زیادہ 240 کلومیٹر (150 میل) چوڑی ہے۔ آبنائے ڈوور اس دا سب توں گھٹ چڑا مقام ہے جو صرف 34 کلومیٹر (21 میل) چوڑا ہے تے رودبار انگلستان دے مشرقی کنارے اُپر واقع ہے۔ رومی سلطنت دے دور وچ ایہ رودبار Oceanus Britannicus کہلانی سی تے 1549ء تک اسنوں بحیرہ برٹش کہیا جاندا سن۔

رودبار انگلستان گھٹ گہری ہے جس دی گہرائی 120 میٹر توں 26 میٹر دے درمیان ہے۔

ایہ رودبار انگلستان دی قدرتی محافظ ہے تے ایہ کئی جنگاں دی شاہد رہ چکی ہے جنہاں وچوں زمانہ جدید وچ نپولین دیاں جنگاں، دوسری جنگ عظیم وچ نازی جرمنی دی جارحیت تے زمانہ قدیم وچ رومیاں دی فتح برطانیہ، 1066ء وچ نارمن فتوحات تے 1588ء وچ ہسپانوی ارماڈا شامل نیں۔

برطانیہ تے فرانس دے ولوں رودبار دے دونے پاسے واقع شہراں لئی کشتیاں تے جہازاں دے ذریعے سفری خدمات مہیا کیتیاں گئیاں نیں جدونکہ دوناں ملکاں دے راجگڑھ لندن تے پیرس دے درمیان فاصلہ گھٹان لئی رودبار انگلستان دے تھلے توں اک سرنگ تعمیر کیتی گئی جسنوں "چینل ٹنل" یعنی "رودبار سرنگ" کہیاجاندا ہے۔ ایہ پہلی بار 1994ء وچ کھولی گئی تے اس دے راہیں پہلی وار برطانیہ توں کوئی ریل گڈی فرانس پہنچی۔ پیرس، برسلز تے لندن آجکل یورو اسٹار نامی ریل گڈی دے راہیں اک دوسرے نال منسلک نیں۔

رودبار انگلستان آبنائے ڈوور دے تھاں تے