ساندل خان بھٹی
رائے ساندل خان بھٹی فرید خان بھٹی دا پیؤ تے دلے بھٹی دا دادا سی ۔ ساندل بار علاقے دا ناں ساندل خان بھٹی دے ناں اُتے اے ۔
اکبر دی ساندل بار علاقے وچ زمین منتی[سودھو]
اکبر توں پہلاں بھارت وچ زمیناں دا لگان اکٹھا کرن ویلے بڑی دھاندلی چلدی سی۔ پر اکبر نے اپنے وزیر دیوان ٹوڈر مل دی مدد نال سارے راج وچ زمین دی منتی کروائی تے اسے حساب نال لگان مقررہ کر دتا۔ معاملہ اگراہنا زمیدار اپنا حق سمجھدے سن۔ پر اکبر ولوں سدھا معاملہ اگراہن توں زمیدار بھڑک گئے تے اپنے معاقلےآں تے حقاں وچ دخل سمجھ کے بغاوتاں کر دتیاں۔ باراں وچ رہن والے لوک مڈھ توں ہی باغی سن۔ محمود غزنوی اتے بابر نوں اس علاقے وچ سخت مزاحمت دا ساہمنا کرنا پیا سی۔ لڑن بھڑن اتے لٹمار دے شوقین ایہہ لوک سرکاری حکومت نوں نہیں مندے سن۔ اپنے علاقے وچوں لنگھن والے قافلیاں اتے سرکاری خزانے نوں لٹّ لیندے سن۔
مغلان خلاف بغاوت[سودھو]
رائے ساندل خان بھٹی تے اسدے پتر فرید خان بھٹی نے وی بغاوت کر دتی۔ پر مغلاں دیاں وڈیاں فوجاں نے جلدی ہی بغاوتاں دبا دتیاں۔ فرید خان اتے اس دے باپ ساندل خان بھٹی نوں پھانسی لگا دتا گیا تے جگیراں ضبط کر لئیاں گئیاں۔ کہندے ہن کہ فرید خان اتے اس دے باپ ساندل خان اتے اوہناں دے ساتھیاں دیاں لاشاں توڑی نال بھر کے شاہی قلعہ لاہور دے دروازے اتے لٹکا دتیاں گئیاں۔