سانچہ:چونواں مضمون/ ۱۸

قاسم بن حسن بن علی بن ابی‌طالب آپ حسین بن علی نال واقعہ عاشورا چ یزیدی فوج خلاف جنگ چ شامل سن تے اوس ویلے آپ دی عمر 13 سال سی آپ جنگ لڑدے ہوئے عمر بن سعد دے ہتھوں شہید ہوئے . قاسم حسن مجتبی تے «ام فروہ» دے پتر سن . عاشورا چ ، آپ دی عمر ۱۳ یا ۱۶ سال سی .

حضرت قاسم بن امام حسن(عربی: القاسم بن الحسن) ( شعبان7, 47 ہجری/ستمبر19, 668 ء– محرم10, 61 ہجری/اکتوبر10, 680 ء)حضرت امام حسن ابن علی دے بیٹے تے امام علی ابن ابی طالب تے حضرت بیبی فاطمہ زہراء دے پوتے سن ۔ کربلا دی لڑائی وچ آپ دی عمر 13 سال سی تے آپ نوں نوجوان جنگجو وی آکھیا جاندا اے .

آپ امامحسن ابن علی دی شہادت توں 3 سال پہلے مدینہ وچ پیدا ہوئے ۔ آپ نے اپنی پھوپھی حضرت زینب بنت علی دے پتراں عون بن عبداللہ بن جعفر طیار تے محمد بن عبداللہ بن جعفر طیار وانگ جنگی تربیت اپنے چاچا عباس بن علی تے اپنے چاچازاد بھائی علی اکبر توں لئی ۔

جدوں امام حسن 680ء (60ھ) وچ مدینہ چھڈن دی تیاری کیتی ، حضرت قاسم دی ماں ام فروہ نے امام حسین نوں آکھیا کہ اوہ ، اوہناں نوں تے قاسم نوں اپنے نال لے جان۔

حضرت قاسم نےامام حسین نوں پچھیا:کیہ میں وی شہیداں وچ ہو واں گا؟ حسین ابن علی نے پچھیا :توں موت نوں کداں دیکھداں؟ قاسم نے جواب دتا:چاچا جان، موت میرے لئی شہد توں مِٹھی اے۔

آپ عون بن عبدالله بن جعفر طیار (زینب بنت علی دے بیٹے) توں بعد حسین بن علی کول گئے تے جنگ دی اجازت چاہی ۔ پر حسین بن علی آپ نوں جنگ دی اجازت نئیں دتی . آپ نوں بوہت زیادہ اصرار دے بعد جنگ اتے جان دی اجازت ملی .

عاشورہ دے دن قاسم اپنے چچا کولوں جنگ دی اجازت لین گئے ، امام حسین اینہاں نوںاجازت نئیں دتی کیونجے آپ بوہت چھوٹے سن ۔ آپ لئی وار اجازت لین گئے پر نا ملی ۔ حضرت قاسم اداس اپنے خیمے وچ گئے آپ دی ماں نے آپ نوں امام حسن ابن علی دا خط دتا جو امام حسن نے اپنی شہادت توں پہلے اپنے پتر قاسم دے ناں لکھیا سی ۔ خط وچ لکھیا سی:

"میرے پتر قاسم؛ اک دن آئےگا جدوں میرا بھائی حسین ہزاراں دی فوج دا سامنا کرے گا ۔. اس دن اسلام نوں قربانی دی لوڑ ہوئے گی. تسیں اس دن ضرور میری نمائندگی کرنا."

قاسم نے خط پڑھیا تے اپنے چچا نوں دے دتا ۔ خط پڑھن دے بعد امام حسین آکھیا :

"میرے بھائی دے بیٹے ، میں توانوں اوہ کرن توں کداں روک سکدا واں جو تواڈے والد چاہندےنیں کہ تسیں کرو؟ اللہ دے ناں اتے جاؤ! اللہ توادے نال ہوئے!"

آپ میدان وچ گئے تے بے شمار یزیدی فوجیاں نوں ماریا ۔. آپ اتے پچھوں تلوار دا وار کیتا گیا جس نال آپ گھوڑے اُتوں ڈگ پئے.

تے امام| سجاد بن حسین دی حدیث مطابق آپ علی اکبر توں بعد میدان جنگ وچ گئے.

آپ نہایت جری سن۔ واقعہ کربلا وچ ارزق شامی جیتوں نامی گرامی پہلوان نوں میدان کربلا وچ قتل کیتا ۔ تے جدوں دشمنوں توں زیر نہ ہوئے تو سب نے اچانک چاروں طرف توں گھیر کے حملہ کیتا  تے عمیر بن نفیل ازدی دے وار توں گھائل ہوئے ۔ گھوڑے توں گرنے دے بعد زندہ ہی پامال  سُم اسپاں ہو گئے تے شہید ہوئے۔

آپ دے چھوٹے جہے بدن اتے ۳۵ وار لگے .

عمرو سعد نے نفَیل ازْذی نوں آپ اتے حملہ کرن دا آکھیا تے آپ دے سر وچ تلوار لگی تے آپ گھوڑے توں زمین اُتے آگئے ۔.

آپ نے حسین بن علی کمک پکاریا. حسین بن علی نے نفیل اتے حملہ کیتا تے اسدے ہتھ وڈ سٹے ۔ آپ نوں روندن لئی سوار آگئے تے آپ دے اتے گھوڑے دوڑا دتے گئے ۔

شہادت مگروں حسین بن علی نے آپ دے سینے نوں اپنے سینے نال لا کے آپ دے لاشے نوں ہاشمی شہیداں دے نال رکھ دتا ۔

۔۔۔۔۔۔۔