Jump to content

سرسکھ

آزاد انسائیکلوپیڈیا، وکیپیڈیا توں

سر سکھ، ٹیکسلا، پنجاب، پاکستان دے کھنڈرات دا حِصہ اے۔

سرسکھ دی فصیل

شہر[سودھو]

سرسکھ شہر کشن سلطنت دے بادشاہ کنشک نے 80ء عیسوی چ تعمیر کروایا سی۔ ایہ ٹیکسلا دے شہراں چ سبتوں آخری شہر اے۔ کشن حکمراناں نے فتح توں مگروں سرکپ دے پراݨے شہر نوں چھڈ کے لنڈی نالا دے دوجے پاسے نواں شہر آباد کرن دا فیصلہ کیتا سی۔ شہر دی فصیل تقریبن 5 کلومیٹر لمبی اے تے تقریبا ساڈھے 4 میٹر چوڑی اے۔ ایہ فصیل 1000x2300 رقبہ دے دوالے بنائی گئی سی تے وسطی ایشیا دے طرز تعمیر دے مطابق اے ۔ جدوں پنجویں صدی عیسوی دے آخر سفید ہن قوم نے پنجاب اُتے قبضہ کیتا تے سرسکھ دا شہر متروک ہو گیا۔ سرسکھ دے اتلے چڑھدے چ دریائے ہارو وگدا اے تے جنوب وچ لنڈی نالا موجود اے۔

کھدائی[سودھو]

اس شہر دی کھدائی محدود پیمانے اُتے 1915ء - 1916ء وچ ہوئی، ہور کم پاݨی دی اُچی سطح دے پاروں بند کرنا پیا۔ 1980ء وچ ایہناں کھنڈراں نوں یونسکو دے عالمی ورثہ دی فہرست وچ ٹیکسلا دے تحت شامل کر لیا گیا۔

فصیل[سودھو]

سرسکھ دی فصیل دا اک حصہ

شہر دی فصیل وڈے وڈے پتھراں نال بݨائی گئی اے جیہناں دے درمیان نِکے تپھر لائے گئے نیں۔ باہرلے پاسےاوں ایہہ فصیل حیرت انگیز طور تے ہموار اے، خورے اس لئی کہ دشمن آسانی نال ایہدے اُتے چڑھ نہ سکے۔ فصیل اُتے کچھ فاصلےآں تے برج نما تھانواں بݨائیاں گئیاں نیں جیہناں وچ تیر اندازاں لئی کھڑکیاں بݨیاں ہوئیاں نیں۔