سقوط غرناطہ

وکیپیڈیا توں
Jump to navigation Jump to search
La Rendición de Granada - Pradilla.jpg

سنہ 892ھ بمطابق 1492ء چ سپین توں مسلم اقتدار دا خاتمہ ہوگئیا تے اندلس چ مسلماناں دی آخری ریاست غرناطہ وی عیسائیاں دے قبضے چ چلی گئی ۔ ا س واقعے نوں سقوط غرناطہ آکھیا جاندا اے ۔

سپین چ آخری مسلم ریاست غرناطہ دے راجہ ابوعبداللہ نے قشتالہ تے ارغون دے عیسائی حکمراناں ملکہ ازابیلا تے شاہ فرڈینینڈ دے ساہمنے ہتھیار سٹ سٹے ۔ اینج سپین چ صدیاں تک قائم رہن آلے مسلم اقتدار دا خاتمہ ہوگئیا ۔ معاہدے دے تحت مسلماناں نوں مکمل مذہبی آزادی دی یعقین دہانی کروائی گئی سی پر عیسائی بہتا چر اپنے وعدے تے قائم نئیں رہے تے یہودیاں تے مسلماناں نوں سپین توں بے دخل کردتا ۔ مسلماناں نوں زبردستی عیسائی بنائیا گئیا تے جنہاں نے استوں انکار کیتا اوہناں نوں جلاوطن کردتا گئیا ۔

ملکہ ازابلا تے فرڈینینڈ دیاں متحدہ فوجاں نے غرناطہ دی اسلامی حکومت تے حملہ کردتاتے 2 جنوری 1482ء نوں ہون آلی جنگ چ فرڈینینڈ دیاں فوجاں دی تعداد 1 لکھ تے غرناطہ دے بادشاہ ابو عبد اللہ دے لشکر دی تعداد 3 لکھ سی ۔ جنگ چ ابو عبداللہ دے 1 لکھ 50 ہزار سپاہی مارے گئے تے عیسائی فوجاں دا جانی نقصان 3 ہزار سی ۔ اس جنگ چ عیسائیاں نے فتح حاصل کرکے غرناطہ دی اسلامی ریاست دا خاتمہ کردتا تے اس دے نال ای سپین چوں وی مسلم حکومت ختم ہوگئی ۔