سچیت کتاب گھر
سچیت کتاب گھر، پنجابی زبان وچ کتاباں چھاپݨ تے ورتاوݨ والا ادارہ اے جو لہور، پنجاب، پاکستان وچ واقع آ۔ ایہدا جنم مہینہ وار پنچم دے ناݪ ہویا اے۔ ایہدے وِچ جِتھے اپݨیاں کتاباں ہُندِیاں نیں اوتھے ہوراں ادارياں دِیاں پنجابی چھپتاں وی لَبھ سکدِیاں نیں۔ نفَع مُوہرے نئیں رکھیا جاندا بلکہ تھوڑے توں تھوڑے مُلّ اُتّے پنجابی پڑھیاراں نُوں کتاب ورتاؤݨا ایس کتاب گھر دا مقصد اے۔ سچیت کتاب گھر دے موڈھی مقصود ثاقب نیں۔
کہاݨیاں، ناول، شاعری، پرکھ پرچول، وار، سماج سار دے موضوعات اُتے چھپیاں کتاباں دا ویروا پیش کردا اے۔
سچیت دا مطلب[سودھو]
سچیت لوک ورتوں دا لفظ اے، بابا فرید نے وی لِکھیا اے۔
’’بیڑے نُوں کپر کیا کرے جے پاتن رہے سچیت‘‘
ایہدے معنے نیں: سُرتیل، سُرتا، سُجاگ، ہوش مت والا، چوکس، ساؤدھان۔