کتاب ترنجن
کتاب ترنجن، پنجابی زبان وچ کتاباں چھاپݨ تے ورتاوݨ والا ادارہ اے جو لہور، پنجاب، پاکستان وچ واقع آ۔ ایہدے موڈھی پروفیسر زبیر احمد نیں جو اک پنجابی سیوک نیں۔
کتاب ترنجن، معیاری تے سستیاں پنجابی کتاباں فراہم کرن والا کتابی ادارہ اے۔ ایتھے شاہ مکھی پنجابی دے نال نال گرمکھی لپی وچ وی کتاباں دستیاب نیں۔ ایہ ادارہ کہاݨیاں، ناول، شاعری، پرکھ پرچول، وار، سماج سار، بال ادب، تاریخ سمیت ہور بہت سارے موضوعات اُتے کتاباں چھاپدا تے پیش کردا اے۔ ایتھوں مختلف لائبریریاں، سکولاں، کالجاں تے یونیورسٹیاں نوں وی کتاباں فراہم کیتیاں جاندیاں نیں۔