سید جلال الدین سرخ بخاری

جلال الدین سرخ پوش بخاری Jalaluddin Surkh-Posh Bukhari
جلال الدین بخاری دا مزار
میر سرخ، میر بزرگ، مخدوم العظم، سرخ پوش، جلال گنج
تریخ پیدائش	595 ہجری (1199 عیسوی) بخارا
تریخ وفات	690 ہجری (1291 عیسوی) اچ
قابل احترام	اسلام (سہروردیہ)
اثرانداز شخصیتاں	بہاؤالدین زکریا ملتانی
متاثر شخصیتاں	جنوبی ایشیائی تصوف

سید جلال الدین بخاری (1192ء توں1291ء) اچ شریف (پاکستان) چ دفن اک مشہور صوفی بزرگ نیں۔ پاکستان ( چ سندھ دے ضلع بدین چ یونین کونسل عبداللہ شاہ دا سید خاندان انہاں دی ہی اولاد چوں اے) تے ہندوستان دے اکثر ساداتِ بخاری دے جد نیں۔ آپ امیر سرخ تے سید جلال الدین سرخ پوش دے ناں توں وی مشہور نیں۔ مخدوم جہانیاں جہاں گشت انہہاں دے سلسلہ دے اک مشہور بزرگ نیں۔

مڈھلا جیون

آپ دا ناں حسن جلال الدین سی تے آپ 5 ذی الحجۃ 595 ھ نوں بخارا (موجودہ ازبکستان) چ پیدا ہوئے۔ مڈھلی تعلیم بخارا ہی توں حاصل کیتی تے بچپن ہی توں روحانی وجوہات نال مشہور ہو گئے۔ جوانی توں پہلے ہی انہاں دے 1500 توں ودھ عالم مرید ہو چکے سن۔ آپ نے بخارا چ سید قاسم دی بیٹی سیدہ فاطمہ نال شادی کیتی جنہاں توں دو بچے سید علی تے سید جعفر پیدا ہوئے۔ بیوی دی وفات دے بعد آپ اپنے دوناں بچےآں نوں لے کے بخارا توں پنجاب دے علاقے پکھر ہجرت کر گئے۔

تبلیغ

آپ نے سندھ تے پنجاب چ تبلیغ دی خاطر بوہت سفر کیتے۔ آپ نے سومرو، چدڑ، مزاری، وارن تے ہور قبیلےآں نے آپ دی وجہ توں اسلام قبول کیتا۔ روایتاں دے مطابق آپ دی ملاقات چنگیز خان نال وی ہوئی جو پہلے آپ دا مخالف ےی مگر بعد چ اس نے اپنی اک بیٹی دی شادی سید جلال الدین نال کر دتی جو مسلمان ہو گئی۔ اس دے علاوہ آپ نے ہور شادیاں وی کیتیاں جنہاں دی وجہ توں کئی مشہور اولیاء پیدا ہوئے۔ مثلاً سید محمد غوث، مخدوم جہانیاں جہاں گشت وغیرہ۔ سندھ تے جنوبی پنجاب چ آپ دیاں کوششاں توں اسلام نوں بوہت تقویت ملی۔

لکھتاں

آپ دیاں مشہور لکھتاں چ تھلویاں شامل نیں:

• اخبار الاخیار
• مظہرِ جلالی
• ریاضۃ الاحباب
• سیار الاقطار
• سیار العارفین

انہاں کتاباں دے قلمی نسخے انہاں دی آل اولاد دے پاس ملتے نیں جو اچ تے ملتان دے علاوہ ہندوستان تے پاکستان دے کئی شہراں چ وسدی اے ۔

وفات

آپ دا انتقال 95 سال دی عمر چ 19 جمادی الاول 690ھ (20 مئی 1294ء) نون ہویا۔ آپ دا مزار موجودہ بہاولپور دی تحصیل اچ شریف چ اے۔

حوالے