سید

Wikipedia توں
جاو: مدد, کھوج

سید عربی بولی دا بول اے جیدا ارتھ اے جناب یا مسٹر تے اے کسے وی بندے لئی بولیا جاسکدا اے یا بولیا جاندا اے جیویں سید بل کلنٹن۔

6ویں صدی ہجری توں کج لوکاں نے اینوں اپنے ناں نال اینج ورتن دا مڈ رکھیا جے اوناں تے پرکھ محمد پیغمبر اسلام دے ساک سن تے اینج اپنی وڈیائی دی دس دتی۔ ایناں نیں اینج پیری مریدی دا مڈ وی رکھیا تے ایس گل نوں اپنے فیدے لئی ورتیا پر اسلام چ ایدھی کوئی گنجائش نئیں سی۔ اسلام تے ساریاں دی برابری دا مت سی پر اینج اسلام چ اک نویکلی راہ کڈی گئی۔ ہندستان چ سید آۓ تے ایتھے اوہ مرزا وی اخواۓ۔

سید تے سلطنت برطانیہ[لکھو]

سیداں نے سلطنت برطانیہ نوں ودان تے اینوں جگ دی وڈی سلطنت بنان چ وڈا کم کیتا۔ میر جعفر نے 1757 چ پلاسی دی لڑائی چ انگریزاں دا ساتھ دتا۔ میر صادق نے 1799 چ ٹیپو سلطان نال غداری کردیاں ہویاں انگریزاں نال رل گیا۔ ایسی لڑی دا اک ہور بندہ آغا خان سی اونے پہلی انگریز افغان لڑائی چ انگریزاں دا ساتھ دتا۔ فیر 1843 چ انگریزاں دے سند تے بلوچستان تے مل مارن ویلے انگریزاں دا ساتھ دتا۔ 1875 دی ازادی لڑائی ویلے دکھنی پنجاب دے پیر تے سید انگریزاں دی لڑائی لڑ رۓ سن اوناں نے انگریزاں دے ویریاں نوں مکا کے رکھ دتا۔ 1916 چ پہلی وڈی لڑائی ترکاں نال لڑدیاں ہویاں جدوں گیلی پولی تے عراق چ انگریزاں نوں ہار ہوئی تے سید حسین بن غلی ہاشمی نے جیہڑا اوس ویلے مکہ چ خلافت غثمانیہ دا گورنر سی مسلماناں نال غداری کردیاں ہویاں انگریزان نال رل گیا تے اینج انگریز اک ہاری لڑائی جت گۓ۔

پاکستان دے حکمراناں چوں سید سکندر علی مرزا سید پرویز مشرف تے سید یوسف رضا گیلانی سید نیں