شوکت تھانوی
| شوکت تھانوی | |
| جنمستھان : | تھانہ بھون، ضلع شاملی، اتر پردیش |
| جمن دیہاڑ : | 2 فروری 1904 |
| کم تے گُن : | صحافی، مخولیا لکھاری، شاعر |
| پیو : | منشی صدیق احمد |
| مرن دیہاڑ : | 4 مئی 1963 |
| قبر : | قبرستان میانی صاحب لہور |
شوکت تھانوی تھانہ بھون, ضلع شاملی، اتر پردیش، ہندستان وچ جمے تے اپݨے علاقے تھانہ بھون دی نسبت نال تھانوی دا پچھیتر اپݨے ناں نال لا لیا تے ایہی اپݨا تخلص رکھ لیا۔ اوہناں دے ابا جی محکمہ پولیس وچ ملازم سط۔ بعد وچ اوہ انسپکٹر جنرل پولیس بݨ کے بھوپال چلے گئے۔ شوکت تھانوی نے بھوپال وچ ای ہوش سنبھالیا۔ فیر شوکت تھانوی لکھنؤ چلے گئے۔ کچھ دن علی گڑھ وی رہے۔ شوکت تھانوی نوں صحافت نال دلچسپی سی۔ ہندوستان دے کئی مشہور اخباراں وچ کم کیتا۔ ایہناں وچ ہمدم، ہمت، ستوارا وار سپرپنچ زیادہ مشہور نیں۔ ایس ستوارا وار اخبار نے ای اوہناں نوں مخولیا لکھاری دی حیثیت نال متعارف کرایا اوہناں دے لیکھ سودیشی ریل، سودیشی ڈاک وغیرہ ہُݨ تک دلچسپی نال پڑھے جاندے نیں۔ شوکت تھانوی شاعر وی سن تے اوہناں دا شعری مجموعہ (گہرستان) دے ناں نال چھپیا۔ پاکستان بݨݨ مگروں لہور آگئے تے مختلف اخباراں نال جڑے رہے۔ ریڈیو پاکستان توں اوہناں کدا مستقل فیچر (قاضی جی) بہت مشہور ہویا۔ چھیکڑلے دناں وچ (جنگ) راول پنڈی ایڈیشن دے ایڈیٹر سن۔ 23 مارچ 1963 نوں صدرِ پاکستان نے اوہناں نوں تمغہ امتیاز دا اوارڈ دتا۔ 4 مئی 1963 نوں چلاݨا کرگئے تے میانی صاحب قبرستان لہور دفنائے گئے۔ پاکستان دی مشہور لیجنڈ اداکارہ عرش منیر اوہناں دی گھر والی سی۔
لِکھتاں
[سودھو]
|
|