صراحی پودا
صراحی پودے (Pitcher plant) وچ صراحی وَرگے پتے ہُندے نيں جیہناں وچ بارش دا پاݨی جمع رہندا اے۔ شکار پھسوݨ دا کم پتے دے سپرد ہُندا اے۔ صراحی دے مونھ اُتے شہد بݨاوݨ والے غدود ہُندے نيں تے مونھ توں اگے اندر وَل تِلکݨ آلا حِصا شروع ہُندا اے۔ صراحی دے پیندے وچ شہد تے بارش دا پاݨی جمع رہندا اے جیہنوں حاصل کرن لئی حشرات تھلے اُتردے نيں تے ہمیشا لئی پَھس جاندے نيں۔ صراحی دیاں اندرلیاں کندھاں توں رطوبتاں خارج ہُندیاں نيں تے اوہنوں ہضم کردیاں نيں۔ سن ڈیو وچ اُتلی سطح اُتے دائرے دی شکل وچ پتے ہُندے نيں جیہناں اُتے بہت سارے بال ہُندے نيں۔ ہر بال دے سرے اُتے چِپچپے مائع دا اک تُبکا ہُندا اے۔ سورج دی روشنی وچ ایہ تُبکا شبنم ونگوں چمکدا اے۔ جد کیڑے اس چِپچپے مائع اُتے بیٹھدے نیں تاں پتے تے بال اوہدے آلے دوالے کعھیرا پا دیندے نيں تے اِداں کیڑے مکوڑے پَھس جاندے نیں ۔
