عبدالصمد خان

وکیپیڈیا توں
Jump to navigation Jump to search

عبدالصمد خان ( م۔ 1737ء ) : نقشبندی سلسلے نال متعلق خواجہ عبدالکریم انصاری دے گھر پیدا ہویا عبدالصمد خان اورنگزیب دے راج ویلے اک منصبدار سی اتے دکھن بھارت اتے کشمیر وچ کافی سماں تعینات رہا سی ۔ 22 فروری 1713ء نوں دلی دے مغل بادشاہ فرخ سیر نے اس نوں لاہور دا صوبے دار تھاپیا اتے سکھاں دے سمول تباہی دی ذمہ واری سونپی ۔ اس دے پتر زکریا خان نوں وی جموں بھیجیا تاں جو لوڑ پین تے اپنے باپ دی مدد کر سکے ۔ اس نے بندہ سنگھ بہادر نوں میدانی علاقے وچوں پہاڑی علاقےآں ول کھدیڑن وچ کامیابی حاصل کیتی اتے اس دا بڑی ساودھانی نال پچھا کیتا ۔ جدوں بندہ بہادر پہاڑ توں اتر کے بٹالے دے نیڑے ٹھہریا ہویا سی ، تاں اس نے بارھاں ہزار گھوڑسوار اتے بارھاں ہزار پیدل فوج اتے طاقتور توپخانے سمیت بندہ بہادر نوں جا گھیریا ۔ اتھوں دی حالت مطابق نا سمجھ کے بندہ سنگھ شمال ول نوں نکل گیا اتے گرداس ننگل پنڈ وچ دونی چند دی حویلی وچ جا ڈٹیا ۔ عبدالصمد خان نے اس حویلی نوں اٹھ مہینے گھیرا پائی رکھیا ۔ آخر 17 دسمبر 1715ء نوں اس نے دھوکھے نال بندہ بہادر اتے اس دے بھکھے ساتھیاں نوں قابو کر لیا ۔ دو ہزار توں ودھ سکھاں نوں قتل کرکے ، بندہ بہادر اتے اس دے پروار سمیت باقی سکھاں نوں زنجیراں پا کے پہلاں لاہور لیاؤندا اتے پھر دلی ول بھیج دتا ۔

ملتان دا گورنر[لکھو]

سن 1726 ء وچ اس نوں ملتان دا صوبیدار بنایا گیا اتے اس دی تھاں’ تے اس دے پتر زکریا خان نوں لاہور دا صوبیدار تعینات کیتا گیا ۔ 26 جولائی 1737ء نوں اس دی موت ہو گئی ۔ سکھاں خلاف مہم چلاؤنا اتے بندہ بہادر نوں پکڑن کرکے مغل سرکار ولوں اس نوں کافی اعزاز ملیا ۔[1]

ہورویکھو[لکھو]

حوالے[لکھو]

  1. لکھاری : ڈاکٹر۔ رتن سنگھ جگی، سروت : سکھ پنتھ وشوکوش، گر رتن پبلیشرز، پٹیالہ

باہرلےجوڑ[لکھو]