قاسم خان

قاسم خان (یاں قاسموف دا قاسم) (موت:1469ء) قاسم خانیت ، اک تاتاری خانیت جہڑی 1452ء چ قائم ہوئی ،دا پہلا خان سی ۔ ایہہ قازان خانیت دے خان الغ محمد دا پتر سی ۔ اسنے 1437ء چ بیلیوف تے 1445ء چ سوزدال دیاں لڑائیاں چ حصہ لیا ۔سوزدال دے معاہدے دے مگروں ایہہ تے اسدا بھراء یعقوب ، معاہدے دے نتیجے سمبھالن لئی ماسکو بھیجے گئے ۔ ایتھے ایہہ روس دے حکمران وسیلی II دے محل چ ٹھیریا تے اسدی ملازمت ج آ گیا ۔ 1449ء چ اسنے دریائے پاخرا دے کنڈے ، وڈا اردو دے خان سعید احمد خان نوں شکست دتی ، جہڑا ماسکو اتے مل مارن آئیا سی ۔ 1447 توں 1453 تک اسنے دمتری شیمیاکا دے خلاف وسیلی دی جدوجہد دا ساتھ دتا ۔ 1452ء چ وسیلی نے اسنوں مشار یورت دے پرانے علاقےآں چ ،ریازان راجواڑا چ جاگیر ،موروثی ریاست دے طور اتے تے قاسموف شہر دے دتا ۔ اینہاں علاقےآں تے قاسم خانیت قائم ہوئی ۔ قاسموف دا خان ہندے ہوئے اسنے قازان خانیت دا تخت حاصل کرن دی کوسس وی کیتی ۔

قاسم خان قاسم خانیت 1452ء توں 1681ء
شاہی القاب
پیشرو قاسم خانیت دی اساری ہوئی	قاسم خانیت دا پہلا خان 1452–1469	جانشین دانیال خان