لُطف علی
 | |
|---|---|
| جم | لُطف علی 1714 بہادرپور، ملتان |
| موت | 1794 |
| کم کِتہ | شاعر |
لُطف علی (1714ء–1794ء)، مولوی لُطف علی بہاولپوری دے ناں توں وی جاݨے جان٘دے نیں، پنجابی شاعر سن۔ اوہ قدیم ملتان شہر دے ملحقہ شمالی علاقے بہادرپور وچ پیدا ہوئے۔ اوہناں دیاں بہت ساریاں منظوم ادبی تخلیقات نیں جیہناں وچ مشہور "سیفل نامہ" اے۔ 1780ء وچ داستانی نظم (مثنوی) سیفل نامہ لِکھی جو داستان الف لیلا اُتے مبنی اے۔ مثنوی توں علاوہ کافیاں، دوہڑے، وغیرہ وی نیں۔
لُطف علی نے ملتان وچ عربی، فارسی تے دینی تعلیم حاصل کیتی۔ علی حیدر ملتانی اوہناں دے استاد سن۔
لُطف علی بعد وچ بہاولپور منتقل ہوگئے۔ بہاولپور وچ کافی عرصہ رہݨ دی وجہ توں لُطف علی بہاولپوری دے نام توں مشہور ہوگئے۔ بہاولپور وچ ای مثنوی سیفل نامہ لِکھی۔
لِکھتاں
[سودھو]اوہناں دیاں مشہور لِکھتاں:
- سیفل نامہ
- قدسی نامہ
- مناجات حضرت فاطمہ
- قصیدہ جہانیاں جہاں گشت
- دوہڑے
نمونہ کلام
[سودھو]خِطۂ پنجاب بارے
حضرت مُلک پنجاب اُتے ہے پنجتن پاک دا سایہ 〇 پیر بہاؤالدین میرا جیں نور ظہور دکھایا
آبائی علاقے بہادر پور بارے
اپݨے دیس بہادر پور دا وی ایتھے اسم این٘وے 〇 شالا رہے آباد سدا جِتھے ہر دم شاد رہوے
وفات تے مدفن
[سودھو]مولوی لُطف علی 1794ء وچ فوت ہوئے۔ مبینہ طور تے اوہناں دا مدفن ضلع رحیم یار خاں دے قصبے "مئو مبارک" وچ اے۔ مزار دی تعمیر سجاد حسین قریشی مرحوم سابق گورنر پنجاب نے کروائی سی۔