لچھمن سنگھ گِل

لچھمن سنگھ گِل
جم	سنہ 1917   جگروں
وفات	26 اپریل 1969 (51–52 سال)  چندی گڑھ
رہائش	چنڈی گڑھ
شہریت	بھارت (۲۶ جنوری ۱۹۵۰–) برطانوی ہندستان (–۱۴ اگست ۱۹۴۷) ڈومنین بھارت (۱۵ اگست ۱۹۴۷–۲۶ جنوری ۱۹۵۰)
مذہب	سکھ
جماعت	اکالی دل
عملی زندگی
پیشہ	سیاست دان

لچھمن سنگھ گِلّ پنجاب دے 25 نومبر 1967 توں 23 اگست 1968 تکّ مکھ منتری رہے۔ اوہناں نوں کانگرس پارٹی ولوں سپورٹ دین تے مکھ منتری بنن کارن پنجاب دے مکھ منتری جسٹس گرنام سنگھ دی سرکار ڈگ پئی۔ اوہناں نے پنجاب دے دفتراں وچّ پنج دن دا ہفتہ لاگوُ کیتا سی۔

مکھ منتری

پنجابی صوبہ بنن توں تنّ مہینے مگروں فروری، 1967 وچ، اسمبلی تے پارلیمینٹ دیاں چوناں ہوئیاں جنہاں وچ اکالی دلاں نے 24.69% اتے کانگرس نے 37.46% ووٹاں حاصل کیتیاں تے کانگرس دے 48, اکالی دل 26 (سنت فتح سنگھ 24, ماسٹر 2), سی. پی. آئی. 5, سی. پی. ایم. 3, جنسنگھ 9, پی. ایس. پی. 1, ایس. ایس. پی 3 تے آزاد 9 کامیاب ہوئے۔ 8 مارچ، 1967 نوں پنجاب وچ اکالی دل دی اگوائی ہیٹھ سانجھے مورچے دی وزارت قایم ہو گئی۔ جسٹس گرنام سنگھ وزارت وچ لچھمن سنگھ گلّ، رجندر سنگھ سپیرو، ڈاکٹر بلدیو پرکاش، پیارا رام دھینووالی پہلے وزیر بنے۔ بھاویں پنجاب، پنجابی بولی دا صوبہ بنیا سی پر اجے وی پنجاب وچ پنجابی لاگوُ نہیں سی۔ جنسنگھ (ہن بھاجپا) پنجابی لاگوُ کرن دے خلاف سی۔ 23 مئی، 1967 نوں ہرچرن سنگھ ہڈیارا اتے ہزارا سنگھ گلّ نے پنجابی نوں سکتریت پدھر تک لاگوُ کرن اتے سکھیا دا زریعہ بناؤن دے سوال 'تے اکالی دل چھڈن دی دھمکی دتی۔ 13 اگست، 1967 نوں لچھمن سنگھ گلّ نے اعلان کیتا کہ اگلے سیشن وچ پنجابی نوں دفتری بولی بناؤن سبندھی بل پیش ہووےگا۔ 4 نومبر، 1967 نوں لچھمن سنگھ نے پھر اعلان کیتا کہ پہلی جنوری، 1968 تک پنجابی پوری طرحاں سرکاری پدھر 'تے لاگوُ کر دتی جاوے گی۔ اسے طرحاں فتح سنگھ نے وی سی.پی.آئی. دی آگوُ بملا ڈانگ ورودھ اک بیان دتا اتے اکالیاں تے کمیونسٹاں وچ کھڑک پئی۔ تیجے پاسے لچھمن سنگھ گلّ کارن ہی فتح سنگھ دا اکالی دل بنیا سی پر گرنام سنگھ، لچھمن سنگھ گلّ دیاں گلاں منن لئی تیار نہیں سی ہندا۔ اخیر اوہ (گلّ) 16 میمبراں نوں نال لے کے 'جنتا پارٹی' بنا لئی اتے فتح سنگھ توں باغی ہو گیا۔ اس نال سانجھے مورچے دی سرکار گھٹّ گنتی وچ ہو گئی۔ 22 نومبر نوں سانجھے مورچے دی سرکار نے استعفٰی دے دتا۔ ادھر کانگرس نے لچھمن سنگھ دی حمایت کرن دا اعلان کر دتا۔ لچھمن سنگھ، وزارت بناؤن وچ کامیاب ہو گیا۔ گلّ نے 25 نومبر، 1967 دے دن مکھ منتری دا حلف لے لیا۔

خاص کم

• سنّ 1967 وچّ سرکاری سکولاں نوں کوٹھاری کمیشن دے گریڈ مل گئے۔ نجی سکولاں دے ادھیاپکاں نوں وی گریڈ
• پنجابی نوں راج بھاشا بناؤن دا سہرا س. لچھمن سنگھ گلّ نوں جاندا ہے جنہاں کانگرس دی مدد نال ایہہ بلّ پاس کروایا۔
• پنجاب سرکار دے کرمچاریاں نوں کیندری پیٹرن ’تے مہنگائی بھتا دین دا سہرا وی س. لچھمن سنگھ گلّ سرکار نوں جاندا ہے۔
• گل صاحب نے کیہا کہ جہڑا پنڈ مٹی پاویگا، سرکار اس دی پکی سڑک بنائےگی۔ اس طرحاں جتھے جدید ٹریفک لائیٹاں دی شروعات اس سرکار نے کیتی، اتھے پنڈاں وچّ لنک سڑکاں دا جو جال اج سارے پنجاب وچّ وچھیا ہے، وی اس دی دوراندیشی دا سٹہ سی۔

حوالے