ماریا مچل

آزاد انسائیکلوپیڈیا، وکیپیڈیا توں
Jump to navigation Jump to search
ماریا مِچل
Maria Mitchell.jpg

Maria Mitchell

ناں : ماریا مِچل
دیس : امریکا
جمݨ تریخ : 1 اگست 1918
جنمستھان : نینٹوکیٹ، میساچیوسٹس، امریکا
مرن تریخ : 28 جون 1889
مرنستھان : لین، میساچیوسٹس، امریکا
کھیتر : اسٹرونومی
پیشا : ماہر فلکیات پروفیسر
ادارے : امریکی نیڡل رصد گاہ، ویسر کالج رصد گاہ
ماریا مِچل
ماریا مِچل کرسی اُتے
ماریا مِچل دی ٹیلیسکوپ


ماریا مچل (انگریزی: Maria Mitchell) (1 اگست 1818 - 28 جون 1889) اک امریکی ماہر فلکیات ، لائبریرین ، فطرت پسند تے ماہر تعلیم سی ۔ 1847 وچ اوہناں نے 1847 VI (جدید ڈیزِگنیشن C / 1847 T1) دے نام نال اک پونچھل سیارا دریافت کیتا سی ، جیہنوں بعد وچ ماریا مِچل دے اعزاز وچ "مس مچل دا پونچھل سیارا" دے نام جاݨیا جاݨ لَگ گیا ۔ اوہناں نے اس دریافت اُتے گولڈ میڈل جِتیا ۔ جیہڑا 1848 وچ ڈنمارک دے کِنگ کرسچن (اٹھویں) نے اوہناں نوں پیش کیتا ۔ ماریا مِچل بین الاقوامی سطح اُتے جاݨی جاݨ آلی پہلی عورت سی جو وسار کالج وچ پوزیشن قبول کرن توں بعد پیشا ور ماہر فلکیات تے فلکیات دی پروفیسر ، دوناں دی حیثیئتاں نال کَم کردیاں سی ۔ 1865 وچ اوہ امریکن اکیڈمی آف آرٹس اینڈ سائنسز تے امریکن ایسوسی ایشن برائے سائنس برائے ایڈوانسمنٹ آف سائنس دی پہلی خاتون فیلو منتخب ہویاں سی ۔


مُڈھلا جیون تے تعلیم[لکھو]

ماریا مِچل 1 اگست 1818 نینٹوکیٹ ، میساچیوسٹس ، امریکا وچ ولیئم مِچل تے لیڈیا مِچل دے کَعھر جمیاں ۔ اِتھے ای اوہناں دی پرورش ہوئی تے مُڈھلی تعلیم حاصل کیتی ۔ ماریا مِچل دے والد ، ولیئم مِچل اک بینکر تے ماہر فلکیات سی ۔ ماریا دی والدہ لیڈیا کول مین مِچل اک لائبریرین سی ۔ ماریا مِچل دے والد نے کَعھٹ عمری وچ ای آسمان وچ ای اوہناں دی دلچسپی نوں تسلیم کردے ہوئے فلکیات دے متعلق اوہناں دی دلچسپی دی حوصلہا افزائی کیتی تے اوہناں نوں دوربین دا استعمال کرن دا طریقا سکھایا ۔ اوہ نینٹوکیٹ ایتھنیم لائبریری وچ 1836 توں 1856 تک پہلی لائبریریئن دی حیثیئت نال کَم کَردیاں رہیاں ۔ جَد وی اوہ رات دے وقت آسمان اُپر نگاہ ماردیاں تے سورج گرہن ، ستارےآں ، مشتری تے زحل دا مطالعا کردیاں سی ۔ ماریہ مچل نے ایک چھوٹے جئے نِجی سکول وچ تعلیم حاصل کیتی سی ۔ اس وقت اوہناں ننے اعلا تعلیم حاصل کرن توں انکار کَر دِتا سی کیونکہ خواتین لئی بہت کَعھٹ مواقع موجود سی ۔ اوہناں نے ریاضی تے فلکیات دا مطالعا کیتا ۔ اوہناں نے فلکیاتی حساب کتاب کرنا سِکھیا ۔ اوہ ستارےآں دیاں پوزیشناں نوں دستاویز بند کرن وچ اپݨے والد دی مدد کَردیاں سی ۔


پونچھل سیارے دی دریافت[لکھو]

1 اکتوبر 1847 دی رات 10:50 بجے ، ماریا مِچل نے پونچھل سیارا 1847 VI (جدید ڈیزِگنیشن C / 1847 T1) نوں دریافت کیتا جیہدے وچ ڈولنڈ ریفریریکٹنگ دوربین دا اِستعمال کیتا ۔ جیہدی 3 انچ یپرچر تے 47 انچ فوکل لمبائی سی ۔ اوہناں نے آسمان اُپر کسی ایسے نامعلوم چیز کو اڑدے ہوئے دیکھیا ۔ اس توں پہلاں اوہناں نے کِسے ہور سرگرمی دا مشاہدا نئیں کیتا سی ۔ اوہناں نوں ایہدے پونچھل سیارا ہوݨ دا یقین سی ۔ ایہ پونچھل سیارا بعد میں "مِس مِچل دے پونچھل سیارا" دے نام نال مشہور ہویا ۔ ماریا مِچل نے سلیمان جورنل وچ جنوری 1848 وچ اپݨے والد دے نام نال اوہدی دریافت دا نوٹس شائع کیتا ۔ اگلے مہینے ، اوہناں نے پونچھل سیارے دے مدار دا اپݨا حساب کتاب پیش کیتا تے اس گَل نوں یقینی بݨوندے ہوئے کہ اوہ اصل دریافت کنندہ اے ۔ اس سال دے آخر وچ سینیکا فالز کنوینشن اُتے ماریا مِچل دی دریافت تے حساب کتاب واسطے سیلیبریشن کیتی گئی ۔


ویسر کالج وچ پروفیسر شِپ[لکھو]

جَد وسار کالج دی بنیاد رکھی گئی تاں ماریا مِچل نوں فلکیات دی تدریس دی پوزیشن اُتے کَم کرن نوں کہیا گیا ۔ اوہ ویسر کالج وچ 1865 توں 1888 ویسر رصد گاہ وچ 12 انچ دوربین استعمال کرن وچ کامیاب رہیاں ۔ اوہ اوتھے دے پڑھیاراں وچ مقبول سی ۔ اوہناں نے عورتاں دے حقوق دے حامیاں سمیت کئی مہمان مقررین لیوݨ لئی اپݨی پوزیشن دا استعمال کیتا ۔ ماریا مِچل 1888 وچ کالج توں ریٹائر ہوگئیاں ۔


وفات[لکھو]

ماریا مِچل 28 جون 1889 نوں ، لین (میساچیوسٹس، امریکا) وچ دماغی عارضے نال فوت ہوگئیاں ۔ اوہناں نوں لوٹ 411 وچ ،نینٹوکیٹ، میساچیوسٹس دے پراسپیکٹ ہل قبرستان وچ دفن کَر دِتا گیا جِتھے اوہناں دے ٹبر دے ہور لوک وی دفن نیں ۔


اعزاز[لکھو]

بطور پہلی خاتون ماہر فلکیات اوہناں دے اعزاز وچ نینٹوکیٹ، میساچیوسٹس، امریکا وچ واقع رصد گاہ نوں ماریا مِچل رصد گاہ دا نام دِتا گیا ۔ اس توں علاوا ماریا مچل ایسوسی ایشن نینٹوکیٹ ، دوسری جنگ عظیم دا جہاز (ایس ایس ماریا مچل) تے چند اُتے اک ٹوئیا (مِچل کریٹر) ، اوہناں دے نام نال منسوب کیتے گئے ۔