آسمان
آسمان ، فلک ، گگن ، امبر ، آکاش ، (انگریزی: Sky) ، خلا دا حِصہ اے جیہڑا کِسے وی فلکیاتی جِسم دی سطح توں نظر آؤن٘دا اے ۔ کئی وجوہات دی بناء اُتے ایہدی صحیح تعریف ممکن نئیں۔ زمین توں آسمان، ہوا دا سورج دی روشنی نوں مُنتشر کرن دی وجہ توں دِن دے وقت گوڑھا نیلا نظر آؤن٘دا اے۔ رات دے وقت ایہ کالا نظر آؤن٘دا اے کیوںکہ سورج دی روشنی نئیں ہُندی۔
رنگ دی وجہ
[سودھو]چِٹی روشنی حقیقت وچ سَت رن٘گاں دا مرکب ہُندی اے یعݨی لال، کھٹا، پیلا، ہرا، نیلا، کاہی تے جامنی۔ ایہ اوہی رنگ نیں جیہڑے قوس قزح وچ نظر آؤن٘دے نیں۔ جد ایہ رنگ آپس وچ مل جان٘دے نیں تاں چٹا رنگ بَݨ جاندا اے۔
سورج دی روشنی وی ایہناں سَت رن٘گاں اُتے ای مُشتمل اے۔ ایہی وجہ اے کہ جَد روشنی شیشے یا صاف پاݨی اُتے پیندی اے تاں انعطاف دی وجہ نال ستو رنگ الگ الگ نظر آؤن٘دے نیں۔
فضاء وچ بے شمار ننھے ننھے ذرات ہر وقت موجود رہندے نیں۔ گرد دے ایہ ذرات کچھ تاں زمین دی ای پیداور ہُندے نیں تے کچھ خلا دے وی ہُندے نیں۔ جَد سورج دیاں کِرناں ایہناں ذرےآں اُتے پیندیاں نیں تاں نیلے رنگ دیاں شعاعواں ایہناں نال ٹکر کے دوسرے رن٘گاں دی نِسبت زیادہ تعداد وچ نِکلدیاں نیں۔ جیہدی وجہ نال آسمان نیلا نظر آؤن٘دا اے۔
