محمد سوم
| محمد III Mehmed III | |
|---|---|
| خلیفہ امیرالمومنین سلطان سلطنت عثمانیہ خادم الحرمین الشریفین | |
 محمد III | |
| راج ویلہ | جنوری 15, 1595 – دسمبر 22, 1603 |
| پیشرو | مراد III |
| جانشین | احمد I |
| سلطان سلطنت عثمانیہ | |
| ملکہ | خنداں سلطان عالمہ سلطان فولانے خاتون |
| شاہی خاندان | عثمانی خاندان |
| پیؤ | مراد III |
| ماں | صفیہ سلطان |
| جم | مئی 26, 1566 مانیسا، سلطنت عثمانیہ |
| موت | دسمبر 21/22, 1603 قسطنطنیہ، سلطنت عثمانیہ |
| مذہب | اسلام |
| طغرا |  |
محمد III اک عثمانی ترک سلطان سی۔
محمد تیجا (26 مئی 1566 – 22 دسمبر 1603) (عثمانی ترک بولی: محمد ثالث) ترکی زبان: III Mehmed 1595 توں اپنی موت تک سلطنت عثمانیہ دا بادشاہ رہیا۔ وہ اپنے پیؤ مراد III دی تھاں تخت اتے بیٹھیا۔
عثمانی سلطنت چ تخت سنبھالن نال ای "قتل برادران" دی بھیڑی رسم دی شروعات سلطان محمد فاتح چ ہوئیتے فیر ہولی ہولی ایہ رسم زور پھر گئی۔ اس دی مڈھلی وجہ نویں سلطان لئی بغاوت دے خطرے گھٹ کرنا سی پر محمد تیجے دا تخت سنبھالنا بھراء مارن دے سلسلے چ اک بھیڑا وادھا سی تے اپنے 27 بھراواں دا قتل اس بادشاہ نوں عثمانی تریخ دے بھیڑے پاتراں چ رلان لئی کافی سی ۔ اس نے اپنیاں 20 توں ودھ بھیناں نوں وی قتل کیتا۔ اس چ حکمرانی اا کوئی گُر نئیں سی تے سارے اختیار اسدی ماں صفیہ سلطان دے ہتھاں چ سن۔ اس دے راج ویلے دا وڈا واقعہ ہنگری میں آسٹریا تے عثمانیاں وچکار جنگ سی جہڑی 1596 توں1605 تک چلدی رہی۔
جنگ چ عثمانیوں دی ہار باہجوں سلطان نوں فوجاں دی آگوائی خود سنبھالنی پئی تے اوہ سلیمان I مکروں لڑائی دے مدان چ اُترن آلا پہلا عثمانی راجہ سی۔ اس دیاں فوجاں نے 1596 چ اگری جتیا تے جنگ کرسزتس چ ہیبسبرگ تے ٹرانسلوانیا دیاں فوجاں نوں ہار دتی۔ اگلے ورہے حکیماں نے سلطان نوں شراب تین تے بوہتا کھان نال ہوں آلے مرضاں پاروں جنگ دے مدان چ جان توں منع کر دتا ۔
اینہاں جنگاں چ جتاں پاروں محمد تیجے دے راج ویلے چ ڈھیندی عثمانی سلطنت نوں کوئی ہور دھکا نئیں وچا ۔
محمد سوم جم: مئی 26, 1566 موت: دسمبر 22, 1603[عمر 37]
| ||
| شاہی القاب | ||
|---|---|---|
| پیشرو مراد III |
سلطان سلطنت عثمانیہ جنوری 15, 1595 – دسمبر 22, 1603 |
جانشین احمد I |
| مناصبِ اہل سنت | ||
| پیشرو مراد III |
خلیفہ جنوری 15, 1595 – دسمبر 22, 1603 |
جانشین احمد I |
