مدھوشالا

مدھوشالا (ہندی: मधुशाला) ہندی دے مشہور شاعر اتے لکھاری ہری ونش رائے بچن (1907–2003) دا لاثانی شعری مجموعہ اے۔ اس وچّ اک سو پینتی رباعیاں شامل ہن۔ مدھوشالا ویہویں صدی دے ہندی ساہت دی بوہت زیادہ اہم رچنا اے، جس وچّ تصوف دے فلسفہ ہندے ہن اتے اج وی اپنی مثالی اہمیت لئی مشہور اے۔1935 وچّ جدوں پہلی ایہہ کتاب چھپی تاں راتو-رات ہری ونش رائے بچن مشہور ہو گئے سن۔ شاعر سمیلناں وچّ مدھوشالا دیاں رباعیاں دے پاٹھ نال تاں ہریونش رائے بچن نوں بے مثال ہنگارا ملدا۔ مدھوشالا خوب وکی۔ ہر سال اس دے دو-تنّ اڈیشن چھپدے گئے۔اس دی ہر رباعی مدھوشالا شبد نال ختم ہندی اے۔ ہرونش رائے بچن نے مدھو، مدرا، ہالہ (شراب)، ساقی، پیالہ، مدھوشالا اتے مدرالا دے سہارے جیون دیاں جٹلتاواں دے تجزیہ دی کوشش کیتی اے۔ مدھوشالا جدوں پہلی بار شائع ہوئی تاں شراب دی تعریف لئی کئی لوکاں نے اوہناں دی تنقید کیتی۔ بچن دی آپ بیتی دے مطابق، مہاتما گاندھی نے مدھوشالا دا پاٹھ سنکے کیہا کہ مدھوشالا دی تنقید ٹھیک نہیں اے۔ مدھوشالا عمر خیامدیاں رباعیاں توں متاثر اے جس دیاں رباعیاں نوں ہریونش رائے بچن پہلاں ہی ہندی وچّ ترجمہ کر چکے سن۔