ملیر ندی
ملیر ندی، پاکستان دے شہر کراچی وچ واقع اک موسمی ندی اے، جو کراچی دے مشرق ولوں آؤندی اے تے کورنگی تے ڈیفینس (DHA) دے علاقے دے درمیان وِچوں عرب سمندر وچ جا ڈِگھدی اے۔ ایہ کراچی وِچوں گُزرن آݪیاں دو ندیاں وِچوں اک اے، دوسری لیاری ندی اے۔ ملیر ندی دے دو اہم معاون ناݪے، تھڈھو تے سکھݨ نیں۔
برسات دے موسم وچ اس ندی وچ بہت زیادہ پاݨی ہُندا اے۔ ملیر ڈیم اک بیراج اے جو ندی دے بہاؤ تے سیلاب نوں کنٹرول کردا اے، موسمی خشک سالی دے دوران ذخائر نوں محفوظ رکھدا اے۔
39 کلومیٹر طویل ملیر ایکسپریس وے ملیر ندی دے کنارے دے ناݪ واقع اے جو شہر دے مضافات وچ ترقی یافتہ علاقے (بحریہ ٹاؤن) نوں کراچی دے پوش علاقے ڈیفینس (DHA) ناݪ جوڑدی اے۔
ویو[سودھو]
