منار

آزاد انسائیکلوپیڈیا، وکیپیڈیا توں
منار
بادشاہی مسیت، لہور دے منار

منار یا مینار (Minaret) اک قِسم دا برج اے جو عام طور تے مسیتاں وچ یا ہور ملحقا عمارتاں وچ بݨایا جاندا ا‏‏ے۔ مناراں نو‏‏ں عام طور تے اذان دیݨ لئی استعمال کيتا جاندا اے، اس توں علاوا اوہ اسلام د‏‏ی موجودگی د‏‏یاں نشانیاں تے علامتاں دے طور اُتے وی کم کردے نيں۔ ایہناں د‏‏یاں وکھ وکھ شکلاں ہو سکدیاں نيں، جِداں موٹے، بیٹھویں، اُچے، پتلے، لمبوترے لاٹ دار۔ عام طور اُتے اُچے لمبوترے تاج ورگے تعمیر کيتے جاندے نیں جو بغیر کسے سہارے دے ملحقا عمارت تو‏ں اُچے ہُندے ا‏‏ے۔

اشتقاقیات[سودھو]

منار دا لفظ عربی زبان توں ماخوذ اے۔ عربی وچ نار، اگ نوں کہیا جاندا اے تے منار دا مطلب "اگ آݪی جگہ" اے، پراݨے زمانے وچ چانݨ کرن لئی اُچی جگہ اُتے اگ جݪائی جاندی سی تاکہ دور دور تک چانݨ ہوسکے۔ منار بطور لائٹ ہاؤس کم کردا سی۔ ہُݨ منار دا مقصد اسلامی تعمیرات وچ خوبصورتی تے عظمت دی علامت بݨ چکیا اے۔

کردار[سودھو]

منار دا باضابطا کم اک ایہجا مقام فراہم کرنا اے جتھے سے موذن، اذان دے سکدا اے۔ ہر دن پانچ مرتبا اذان دتی جاندی اے: فجر، ظہر، عصر، مغرب تے عشا ۔ ہُݨ زیادا تر مسیتاں وچ اذان مصلح (نماز ہال) توں مائیکرو فون دے ذریعے مناراں اُتے لگے سپیکر سسٹم دے ذریعے دتی جاندی اے۔

مناراں نے تریخی طور تے اک بصری علامتی مقصد نوں پورا کیتا اے۔ مناراں نے اک یاد دہانی دے طور تے کم کیتا کہ ایہ اسلامی خِطا اے تے مسیتاں نوں آݪے دواݪے توں فن تعمیر دے لحاظ ناݪ منفرد بݨایا۔ مناراں نے مسلم حکمراناں دی سیاسی تے مذہبی اتھارٹی دی علامت دے طور تے وی کم کیتا جیہناں نے اوہناں نوں تعمیرا کروایا۔


مورتاں[سودھو]



ہور دیکھو[سودھو]


حوالے[سودھو]