منڈا روٹی

منڈا روٹی
پُٹھے توے اُتے منڈا روٹی پکائی جارہی اے
سروت
ہور ناں	Mandige & Rumali roti
متعلق دیس	پاکستان
کھانے دا ویروا
مکھ سامان	کݨک دا آٹا تے میدا

منڈا روٹی یا منڈے یا رومالی روٹی، جنوبی ایشیا، بِلخصوص پنجاب دی اک روایتی روٹی اے۔ ایہ اک پتلی، وڈی تے فلیٹ روٹی اے۔ منڈا روٹی کݨک دے آٹے تے میدے دی آمیزش ناݪ بݨائی جاندی اے تے پُٹھے توے یا پُٹھی کڑاہی اُتے پکائی جاندی اے۔

منڈا روٹیاں پنجاب وچ عام طور تے شادیاں ویاہواں تے ہور تقریبات اُتے پکائیاں جاندیاں نیں۔ منڈا روٹیاں نوں تہہ لا کے باریک تعھاگے ناݪ دو یا چار حصیاں وچ کٹیا جاندا اے۔

اجزاء تے ترکیب

منڈا روٹیاں پکاؤݨ واسطے کݨک دے آٹے دے تن حصے تے میدے دے اک حِصے نوں مِکس کرکے گرم پاݨی ناݪ گُنھیا جاندا اے۔

منڈا روٹی بݨاؤݨ دا طریقا:

1. نمک تے اک چاہ دا چمچ تیل ناݪ 2 کپ کݨک دے آٹے یا میدے نوں مکس کرو۔
2. گرم ددھ شامل کرو تے تقریبن 15 منٹ لئی گُنھو۔
3. آٹے نوں تھوڑا جیا تیل لا کے نم کپڑے ناݪ ٹعھاک دیو۔
4. آٹے دے چھوٹے چھوٹے پیڑیاں نوں رول کرو۔ اوہنوں زیادا پتلا کرن لئی بوہتا ودھایا جاسکدا اے۔
5. اک توے یا کڑاہی نوں کچھ منٹ لئی گرم کرو تے فیر اوہنوں پُٹھا کردیو تاکہ روٹی باہر نوں پک جاوے۔
6. تھوڑا جیا پاݨی لا کے روٹی نوں پھیلا دیو۔
7. روٹی نوں سیک لوا کے دونوں پاسیوں پکادیو تے کھاݨ لئی پیش کرن توں پہلاں باریک تعھاگے ناݪ چھوٹے ٹکڑےآں وچ تکونی شکل وچ کٹیا جاسکدا اے۔

مورتاں

• 
• 
• 
• 
• 
• 

ہور دیکھو

• روٹی
• پروٹھا
• پٹھورا
• نان
• کتلما
• کلچا
• چپاتی

حوالے