کتلما
| کتلما | |
|---|---|
.jpg) کتلما | |
| سروت | |
| متعلق دیس | پاکستان |
| علاقہ | لہور، پنجاب |
| کھانے دا ویروا | |
| مکھ سامان | بیسݨ، میدا |
کتلما روٹی ورگا اک پنجابی پکوان اے جو لہوری کتلمے دے نام توں وی جاݨیا جاندا اے۔
اجزاء
[سودھو]بیسݨ اک کپ، لوݨ اک چاہ دا چمچ، اجوائݨ اک چوتھائی چاہ دا چمچ، قصوری میتھی ادھا چاہ دا چمچ، ہݪدی پاوڈر ادھا چاہ دا چمچ، ثابت دھݨیا اک ٹیبل سپون، انار داݨا اک ٹیبل سپون، آنڈا اک عدد، قیما اک کپ، میدا دو کپ، آٹا دو کپ، ککنگ آئل چار ٹیبل سپون، لال مرچ کٹی ہوئی حسب منشا، زیرا حسب منشا، تݪ حسب ضرورت، فوڈ کلر حسب ضرورت۔
ترکیب
[سودھو]میدے تے آٹے وچ نمک پا کے نیم گرم پاݨی ناݪ سخت گُنھ لئو تے فیر ایہنوں پلاسٹک دے اک لفافے وچ لپیٹ کے ادھے گھینٹھے لئی رکھ دیو۔ اسے دوران بیسݨ وچ ہݪدی، لال مِرچاں، قصوری میتھی، دھݨیا، نمک، انار داݨا، اجوائݨ تے ہور مسالے پا کے آنڈے رݪا کے بیسݨ دا آمیزا بݨا لئو، جے زیرا، اجویݨ تے ثابت دھݨیا توے اُتے ہلکا جیہا فرائی کرلیا جاوے تاں زیادہ بہتر اے۔ ایہدے وچ قیما وی استعمال کیتا جاسکدا اے پر قیما بہت باریک ہوݨا چاہیدا اے تاکہ اوہ کچا نہ رہے۔
آمیزا تیار کرن توں بعد گُنھے ہوئے آٹے نوں بغیر خشکے دے باریک روٹیاں دی شکل وچ بیل لئو، بیلݨ دی جگہ اُتے ہلکا جیا آئل لاؤ تاکہ روٹی پھٹ نہ جاوے۔
ایہناں روٹیاں نوں بیلݨ توں بعد ایہناں اُتے بیسݨ دا آمیزا لاؤ تے اک وڈے فرائی پین یا کڑاہی وچ چنگی طرحاں تَݪ لئو۔ تیل یا کُکنگ آئل درمیانی آنچ اُتے قدرے گرم رکھو۔
کتلمے تیار ہوجاݨ مگروں اک ڈش وچ کڈھ کے کیچپ، دہیں، رائتا یا چٹݨی ناݪ کھایا جاسکدا اے۔