مونو ریل

وکیپیڈیا توں
Jump to navigation Jump to search
SydneyMonorail1 gobeirne.jpg

مونو ریل اک ریل ٹرانسپورٹ نظام اے جس وچ گڈی اک پٹری یا بیم تے چلدی اے تے ایہہ پٹری یا بیم ای ایس دا بھار سہاردا اے تے ایس نوں رستے تے چلائی رکھدا اے ۔ جد کہ عام ریلوے وچ گڈی دو پٹریاں تے چلدی اے ۔ ایہہ ناں دو لفظاں مونو یعنی واحد تے ریل نال مل کے بنیا اے یعنی اک پٹری والی ریل ۔ ایہہ نظام وی ریلوے دا اک حصہ سمجھیا جاندا اے ۔

پہلی مونو ریل روس وچ 1820ء وچ ایوان ایلمانوف نے بنائی سی ۔

اج کل دیاں ہائی سپیڈ ٹریناں یا مقناطیسی ریل گڈیاں یعنی ماگلیو وی اک طرح دی مونو ریل ای اے جس وچ گڈی بیم توں تھوڑی جہی اتے چلدی اے نال نہیں لگدی ۔

اج کل وی جدید شہراں وچ ٹریفک دے مسلئےآں تے قابو پان لئی مونو ریلاں استعمال کیتیاں جاندیاں نیں کیونجے ایہہ اُچے بیم تے چلدیاں نیں تے ایہناں دے تھلیوں دی ٹریفک رواں دواں ریہندی اے ۔ مختلف شہراں وچ مختلف قسم دیاں مونو ریلاں چلدیاں نیں ۔