میر محمد علی

وکیپیڈیا توں
Jump to navigation Jump to search
میر محمد علی
جنمستھان : راولاکوٹ, پاکستان
کم : مخولیا اداکار، نقال
بولی : پنجابی
شو : خبرناک
ٹائیٹل : پیروڈی کِنگ
اوارڈ : پرائڈ آف پرفارمنس

میر محمد علی نے آگ ٹی وی توں اپݨے کیریئر دا اغاز کیتا۔ بعد چ اوہناں نے 4 مین شو چ اپݨیاں صلاحیتاں دا لوہا منوایا۔ ایس شو چ اوہناں نے مختلف لوکاں دی پیروڈی کیتی۔ ایس توں مگروں اوہ ایویں شو تے فیر خبرناک نال منسلک ہوگئے۔ میر محمد علی دی شہرت دی بڑی وجہ اوہناں دیاں کامیاب پیروڈیاں نیں۔ اوہناں دا دعوا اے کہ اوہ ہر شخص نوں 20 منٹ دیکھ بھاکھ کے اوہدیاں سانگاں لاہ سکدے نیں۔ میر محمد علی ہُݨ تک سینکڑیاں مشہور لوکاں دیاں پیروڈیاں کر چکے نیں۔ 23 مارچ 2015 نوں صدرِ پاکستان ممنون حسین ولوں میر محمد علی دی خدمات دے صِلے چ اوہناں نوں پرائڈ آف پرفارمنس اوارڈ دتا گیا۔