ناولٹ
ناولٹ (انگریزی: Novella) مُختصر ناول نوں کہیا جاندا اے۔ ناولٹ دے باقی سارے لوازمات تے تعرِیف اوہی اے جیہڑی ناول دی اے، بس ناولٹ ضخامت وچ ناول توں چھوٹا ہُندا اے۔ ناول اطالوی زبان دا لفظ اے تے "ناولٹ" انگریزی زبان وچ ایہدی تصغِیر اے۔ ناولٹ دا مطلب نِکّا ناول یا ناولچہ اے۔ ناول دے مقابلے وچ ناولٹ نوں اِختصار دے لحاظ ناݪ مُنفرد حَیثِیّت حاصل اے تے ایہدا کَینوس چھوٹا ہُندا اے۔ ناولٹ دا رواج نشاۃ ثانیہ توں پہلاں مخصُوص رجحان دے تَِحت منظر عام اُتے آیا۔
ناولٹ وچ عام طور اُتے ناول دے مقابلے وچ گَھٹّ اݪجھاء ہُندے نیں، پَر افسانّے توں زیادَہ پیچِیدَّہ ہُندا اے۔ ناولٹ افسانّیاں ون٘گّوں اک ای نشِست وچ پڑھے جان٘دے نیں تے اس طرحاں پڑھنہار اُتے اک واحد تاثّر پیدا ہُندا اے۔ وارن کیریو دے مطابق، "ناولٹ عمُومن اِنّا باضابطہ طور اُتے تجرباتی نئِیں ہُندا جِنّا ناول ہو سکدا اے، ایہدے وچ ناول دے بَرعکس عام طور اُتے ذّیلی پلاٹ، متعدّد نُقطَہ نظر تے عام موافقت دی گھاٹ ہُن٘دی اے۔ ناولٹ اکثر وسِیع سماجّی دائرے دی بجائے ذاتّی تے جذباتّی نشُوونما دے متعلّق عمُومّی تاثّر دی وحدت نوں برقرار رَکھدا اے جیہڑا مُختصر کہاݨی دا خاصّہ اے۔
قابل ذِکر مثالاں
[سودھو]ایہ لِسٹ اوہناں ناولٹاں اُتے مشتمل اے جیہڑے وسیع پَیمانّے اُتے ناولٹ دی بہترِین مثال تصوّر کِيتّے جان٘دے نيں۔
| عنوان | لکھاری | سال اشاعت | حوالّہ |
|---|---|---|---|
| اینیمل فارم | جارج اورویل | 1945 | |
| کرسمس دا گیت | چارلس ڈکنز | 1843 | |
| اے کلاک ورک اورنج | انتھونی برجیس | 1962 | |
| خدا حافط کولمبس | فلپ روتھ | 1959 | |
| قلب ظلمات | جوزف کونریڈ | 1899 | |
| The Metamorphosis | فرانز کافکا | 1915 | |
| Of Mice and Men | جان سٹائنبک | 1937 | |
| بڈھا تے سمندر | ارنسٹ ہیمنگوے | 1952 | |
| The Stranger | البرٹ کامیو | 1942 |
ہور دیکھو
[سودھو]باہرلے جوڑ
[سودھو] |
وکشنری: ناولٹ |
