نیشنل یونیورسٹی آف ماڈرن لینگوئیجز، ہندی ڈیپارٹمنٹ

اسلام آباد وچ قایم نیشنل یونیورسٹی آف ماڈرن لینگوئیجز وچ ہندی ڈیپارٹمنٹ 1973 وچ قایم کیتا گیا اے ۔

کم

نیشنل یونیورسٹی آف ماڈرن لینگوئیجز، اسلام آباد پاکستان دے راجگڑھ اسلام آباد وچ قایم ادارے ولوں سنّ 1973 توں ہندی دے کورس کروائے جا رہے ہن۔ شروعات سرٹیفکیٹ اتے ڈپلوما کورساں توں کیتی گئی سی، جدوں کہ ہندی وچ پاکستانیاں دی لگاتار ودھ رہی دلچسپی نوں ویکھدیاں ہن ہندی وچ ایم۔فل۔، ایم۔اے۔، پی۔ایچ۔ڈی۔ اتے ڈگری کورس وی شروع ہو چکے ہن۔ اس دے نال ہی ڈیپارٹمنٹ ولوں دیوناگری لپی وچ بہت ساریاں کتاباں وی لکھ کے شائع کروائیاں جا چکیاں ہن۔

عملہ

اس ڈیپارٹمنٹ دی پرمکھ ڈاکٹر: نسیمہ خاتون اے۔ اس نے ایم۔اے۔ ہندی اتے ایم۔اے۔ سشیالوجی بھارت دی آگرہ یونیورسٹی توں اتے پی۔ایچ۔ڈی۔ تربھون یونیورسٹی کٹھمنڈو (نیپال) توں کیتی اے۔ اس ڈیپارٹمنٹ دے پروفیسر افتخار حسین عارف اتے پروفیسر شاہینہ ظفر نے ایم۔اے۔ سشیالوجی بھارت دی میرٹھ یونیورسٹی توں، جدوں کہ ایم۔اے۔ ہندی نیشنل یونیورسٹی آف ماڈرن لیگونئیجز، اسلام آباد توں ہی کیتی اے۔ اسے ڈیپارٹمنٹ دی پروفیسر شہمین ریاض نے ایم۔اے۔ ہسٹری پٹنا یونیورسٹی توں اتے پروفیسر زبیدا حسن نے ایم۔اے۔ اردو بھارت دی علیگڑھ مسلم یونیورسٹی توں کیتی اے۔

طلبہ

نیشنل یونیورسٹی آف ماڈرن لیگونئیجس ولوں کروائے جان والے ہندی کورس اتہاس اتے ہندی ساہت دے کھوجیاں لئی کافی فائدہ مند ثابت ہو رہے ہن اتے ہن اوہ ہندو دھرم دیاں مذہبی تے تریخی کتاباں تے گرنتھ آسانی نال پڑھ سکدے ہن۔ این۔یو۔ایم۔ایل۔ وچ ہندی کورس کرن والیاں وچ چینی اتے متحدہ عرب امارات دے شہری اتے پاکستانی صحافی وی شامل ہن۔

ہور سینٹر

اسلام آباد دے نیشنل یونیورسٹی آف ماڈرن لیگنوئیجز دے علاوہ اتر پردیش، بہار، پنجاب اتے ممبئی دیاں اوہ مسلم عورتاں، جو نکاح کرکے پاکستان دلہناں دے روپ وچ گئیاں ہن، اوہ وی نجی پدھر اُتے اپنے چھوٹے-چھوٹے کوچنگ سینٹر شروع کرکے ہندی لکھن تے پڑھن دی سکھلائی دے رہیاں نیں ۔