پاکستان سٹاک ایکسچینج

پاکستان سٹاک ایکسچینج لمیٹڈ
چھوٹا ناں	Karachi Stock Exchange Limited
کاروباری تھاں	سٹاک ایکسچینج
تجارت بطور	PSX
بنی کس ویلے	۱۱ جنوری ۲۰۱۶؛ 8 سال پہلے; (Originally Karachi Stock Exchange founded on 18 September 1947)
سنبھالن والے مالک	شمشاد اختر (Chairperson and Independent Director); Farrukh H. Khan (CEO and Managing Director)
آمدنی	روپیہ 1.464 ارب (امریکی ڈالر۱۴ million)
خالص آمدنی	روپیہ 219.589 ملین (امریکی ڈالر۲.۲ million)
کل اثاثے	روپیہ 13.036 ارب (امریکی ڈالر۱۳۰ million)
کل ایکوئٹی	روپیہ 10.395 ارب (امریکی ڈالر۱۰۰ million)
مالک	China Financial Futures Exchange (17%); Shanghai Stock Exchange (8%); Shenzhen Stock Exchange (5%); Pak China Investor Company (5%) ; Habib Bank Limited (5%)
کم کرن والے بندے	231
ویب سائٹ	psx.com.pk ; dps.psx.com.pk
	حاشیے / حوالے; Financials بمطابق ۳۰ جون ۲۰۲۳ءجون 2023\|

پاکستان سٹاک ایکسچینج (Pakistan Stock Exchange) (مخفف: P S X) پاکستان دی سٹاک ایکسچینج اے۔ ایہدا ہیڈ کوارٹر کراچی وچ اے۔ پاکستان سٹاک ایکسچینج پاکستان دیاں 3 سٹاک ایکسچینجاں، لاہور، اسلام آباد تے کراچی نوں ملا کے تیار کیتی گئی۔ ایہدا افتتاح 11 جنوری 2016ء نوں وفاقی وزیر خزانہ نے کیتا۔ ایہ اپݨی نوعیت دی پہلی سٹاک ایکسچینج اے۔ ایتھے 400 توں زیادہ بروکر موجود نیں ۔ ایہدے وچ بیک وقت 3 مارکیٹاں وچ اکٹھی ٹریڈن٘گ ہوسکدی اے۔

تریخ

پاکستان سٹاک ایکسچینج 11 جنوری 2016ء وچ اس وقت وجُود وچ آئی جَد حکومت پاکستان نے پاکستان دِیاں 3 سٹاک ایکسچینجاں، لاہور، اسلام آباد تے کراچی نوں ضَم کَر کے اک سٹاک ایکسچینج وچ بدلݨ دا فَیصلہ کیتا۔ دُنِیا وچ کِتوں وی اِس سٹاک ایکسچینج وچ آئن لائن حِصص دی خرید و فروخت مُمکن اے۔

کراچی سٹاک ایکسچینج

تفصیلی لی لئی ویکھو: کراچی سٹاک ایکسچینج
کراچی سٹاک ایکسچینج پاکستان دی سَبھ توں وڈی سٹاک مارکیٹ سی۔ ایہ 18 ستمبر 1947ء نوں قائم کیتی گئی۔ ایہدا صدر دفتر آئی آئی چندریگر روڈ اُتے واقع سی، جیہڑا ہُݨ پاکستان سٹاک ایکسچینج دا صدر دفتر اے۔ 2009ء وچ بلوم برگ نے کراچی سٹاک ایکسچینج نوں دُنیا دی تیسری سَبھ توں بہتر مارکیٹ تسلیم کیتا سی۔

لاہور سٹاک ایکسچینج

تفصیلی لی لئی ویکھو: لاہور سٹاک ایکسچینج
لاہور سٹاک ایکسچینج پاکستان لاہور وچ واقع سی۔ ایہ پاکستان وچ دُوسری وڈی سٹاک مارکیٹ سی۔ ہُݨ ایہ پاکستان سٹاک ایکسچینج دا حِصہ اے۔ ایہدا قیام 1969ء دے اک آرڈینن٘س دے تحت 1970ء وچ کیتا گیا۔

اسلام آباد سٹاک ایکسچینج

اسلام آباد سٹاک ایکسچینج پاکستان دیی تِیسری مارکیٹ سی۔ ایہدا قیام 25 اکتوبر 1989ء نوں عمل وچ لیان٘دا گیا۔ ایہدی 22 منزلہ عمارت آئی ایس ای ٹاور کہلاؤن٘دی اے۔ ایہ ہُݨ پاکستان سٹاک ایکسچینج دا حِصہ اے۔

انضمام

11 جنوری 2016ء نوں حکومت پاکستان دے فیصلے دے تحت مُلک دیاں تِنو مارکیٹاں نوں ملا کے پاکستان سٹاک ایکسچینج بݨائی گئی۔ ہُݨ پاکستان وچ ای نئیں بلکہ دُنِیا وچ کِتوں وی ایہدے وچ براہ راست کاروبار کیتا جاسکدا اے۔

حوالے

↑ «Pakistan Stock Exchange Annual Report 2023». دریافت‌شده در ۲۳ اگست ۲۰۲۴.

[AR2023-1] «Pakistan Stock Exchange Annual Report 2023». دریافت‌شده در ۲۳ اگست ۲۰۲۴.

[۱]