پِلکݨ
پِلکݨ (Ficus virens) پاکستان، بھارت، جنوب مشرقی ایشیا، ملائیشیا تے شمالی آسٹریلیا وچ پایا جاݨ والا Ficus دی نسل دا اک سایا دار سنگھݨا درخت اے ۔ پِلکݨ نوں وائیٹ فیج (سفید انجیر) وی کہیا جاندا اے ایہدا سائِنسی ناں FICUS VIRENS اے ۔ ایہنوں پَھل وی لگدا اے جیہڑا سائِز وچ چھوٹا تے انجیر وَرگا ہُندا اے، ایہنوں پنچھی شوق نال کھاندے نيں، ایس لئی جِتھے پِلکݨ دا درخت ہووے اوتھے سنگھݨی چھاں دے نال چرند پرند دیاں دلکش آوازاں وی سُݨݨ نوں مِلدیاں نيں ۔ پِلکݨ دے پتے امب دے پتےآں وَرگے ہُندے نيں ۔ پِلکݨ دے پتے ہَر سال مارچ دے مہینے وچ اک ای بار چَعھڑدے نیں تے چَند دِناں وچ ای دوبارا نویں پتے نِکل آوندے نیں ۔ نويں نِکلݨ والے پتے ہلکے لال رنگ دے ہُندے نيں، فیر آہستا آہستا ہرے ہُندے جاندے نيں ۔