پی۔ٹی۔ اُوشا

وکیپیڈیا توں
Jump to navigation Jump to search

پی۔ٹی۔ اُوشا
جم پلاوکندی تیکیپررمبل اُوشا [1]
(1964-06-27) 27 جون 1964 (عمر 54)
پیولی، کوجیکوڈ، کیرالا، بھارت
وسوں پیولی، کوجیکوڈ
کون اے بھارتی
ہور ناں Payyoli Express, Golden Girl
کِتہ track and field کھڈاری
آجر بھارتی ریلوے
مشہوری دی وجہ پدم شری
قد 5' 7" (170 سینٹیمیٹر)
جیون ساتھی V. Srinivasan
نیانے اجول
ماں پیؤ پیتھل، لکشمی
Signature
ویب سائیٹ
ptusha.org

پلاوکندی تیکیپررمبل اُوشا (ملیالم: പിലാവുള്ളകണ്ടി തെക്കേ പറമ്പിൽ ഉഷ; جم 27 جون 1964))، پی۔ٹی۔ اُوشا نام نال مشہور، اک بھارتی کھڈارن اے۔ پی۔ ٹی۔ اُوشا اک بھارتی اتھلیٹک دی اعلیٰ کھڈارن ہون دے نال نال اڈن پری دے نام نال جانی جاندی اے۔ پی۔ ٹی۔ اُوشا نے اپنے انترقومی کھیڈ سفر دوران 101 میڈل حاصل کیتے۔

کھیڈ جیون[لکھو]

پی۔ٹی۔ اُوشا دا جم 27 جون 1964 نوں کیرالا وچّ ہویا۔ پی۔ ٹی۔ اُوشا دی کھیڈ قابلیت دا اندازہ اوہناں دے مقابلےآں وچّ اوہناں دی ودھیا کھیڈ اتے جتے ہوئے میڈلاں توں لگایا جا سکدا اے۔

کامیابیاں[لکھو]

  • 1979 وچّ کھیڈ کریئر دا آغاز سکول نیشنل کھیڈاں وچّ حصہ لے کے کیتا۔
  • 1980 وچّ اولمپک کھیڈاں وچّ حصہ لین دا فخر حاصل ہویا۔ پر ایہناں اولمپک کھیڈاں وچّ پی۔ٹی۔اُوشا کجھ چنگا مظاہرہ نہیں کر سکی سی۔ پھر 100 اتے 200 میٹر دوڑن والی پی۔ٹی۔اُوشا دے کھیڈ کریئر نوں اگے ودھایا۔
  • 1982 نویں دلی وکھے ایشیائی کھیڈاں وچّ پی۔ٹی۔اُوشا نے 100 اتے 200 میٹر ریساں وچّ چاندی دے تمگے حاصل کیتے۔ پی۔ٹی۔اُوشا نے اس توں بعد ٹریک تے بھارت دی نمائندگی کرنی شرو ع کر دتی۔
  • 1984 لاس اینجلس اولمپک کھیڈاں وچّ پی۔ٹی۔اُوشا اولمپک کھیڈاں دے 400 میٹر ہرڈل ریس دے فائینل وچّ پہنچی اتے فائینل وچّ پہنچی والی پی۔ٹی۔اُوشا بھارت دی پہلی عورت اتھلیٹ بنی۔ اولمپک توں بعد وی بھارت دی اڈن پری نے اتھلیٹکس وچّ اپنا شاندار مظاہرہ جاری رکھیا۔
  • 1985 وچّ چھیویں ایشیا ٹریک تے فیلڈ چیمپیئن شپ وچّ پی۔ٹی۔اُوشا نے قابل تعریف مظاہرہ کیتا۔ اس چیمپیئن شپ وچّ پی۔ٹی۔اُوشا نے وکھ-وکھ اتھلیٹک ایوینٹس وچّ پنج سونے دے میڈل اتے اک کانسی دا میڈل جتیا۔ کسے اک چیمپیئن شپ وچّ انے میڈل جتن والی پی۔ٹی۔اُوشا پہلی خواتین بنی۔
  • 1986 سیول ایشیائی کھیڈاں وچّ پی۔ٹی۔ اُوشا نے 4 سونے تے اک چاندی دا تمغہ حاصل کر کے اتہاس دے پنیاں وچّ اپنا ناں درج کروایا۔

اعزاز[لکھو]

بھارت سرکار نے سنّ 1984 وچّ پی۔ٹی۔ اُوشا نوں پدم شری ایوارڈ نال نوازیا گیا۔ اس توں علاوہ پی۔ٹی۔ اُوشا نوں سنّ 1984, 1985, 1986, 1987 اتے 1989 وچّ ایشیا براعظم دی بیسٹ اتھلیٹ چنی جاں دا مان حاصل ہویا۔ سنّ 1985–1986 وچّ پی۔ٹی۔اُوشا نوں ورڈ ٹرافی نال وی نوازیا گیا۔ ڈائریکٹر چراغ پٹیل دیاں کوششاں صدقہ 2012 وچّ تیار کیتی گئی سپیڈ سٹار دی دھارنا دی برانڈ امبیسڈر پی۔ٹی۔ اُوشا اے۔

حوالے[لکھو]