چڑیاں مکاؤ مہم

وکیپیڈیا توں
Jump to navigation Jump to search
چڑی جو اس مہم دی سبھ توں اہم شکار بنی۔

چار پیسٹ مہم (چینی:打麻雀运动، انگریزی:Four Pests Campaign) اک مہم سی جو چین دے انقلابی لیڈر ماؤ زے تنگ دے دور وچّ فصلاں خراب کرن والے چڑیاں، چوہیاں، مکھیاں اتے کیڑیاں دے خلاف چار سالہ جنگ سی۔ ایہہ عامَ طور تے اک چڑی مارو مہم (چینی:消灭麻雀运动، انگریزی:Kill a Sparrow Campaign) دے نام نال جانی جاندی ہے۔ چینی حاکماں دے حکم نال 1958 توں 1962 تکّ چار پیسٹ مہم نامی مہم چلائی گئی جس دا مقصد مچھر، مکھی، چوہے اتے چڑیاں دیاں عامَ قسماں نوں جڑوں مٹا دینا سی۔[1]

مہم[لکھو]

چینی حاکماں دا خیال سی کہ ایہہ جانور چاول اتے ہور فصلاں نوں نقصان پہنچا رہے سن لہٰذا ایہناں دے خاتمے لئی ملک بھر وچّ مہم شروع کر دتی گئی۔

اس مہم دے دوران لوکاں نے اوہناں جانوراں دا ہر جگہ پچھا کیتا اتے حالانکہ چڑی دا اس مہم دا نشانہ بننا اک حیرانی والی گلّ سی لیکن بدقسمتی نال اس پرندے نوں وی تقریباً خاتمے دے قریب پہنچا دتا گیا۔ لوکاں نے چڑیاں دے آلھنے تباہ کر دتے، اوہناں دے انڈے توڑ دتے، اوہناں دے بچے مار دتے اتے جتھے وی کوئی چڑیاں دانہ-دنکا چگن دی کوشش کردیاں برتن اتے ٹین دے ڈبے وجا کے اوہناں نوں اڑا دتا جاندا۔ اس مہم دا نتیجہ ایہہ ہویا کہ پورے ملک وچّ چڑیاں دا نامو نشان ختم ہو گیا۔ اس ظلم دا نتیجہ ایہہ نکلیا کہ چین وچّ قحط پے گیا۔[2]

نتیجے[لکھو]

چڑیاں دے سکیم بند خاتمے نے ماحول دا توازن وگاڑ دتا، اتے پنچھیاں دے خاتمے نال فصلاں-کھان والے کیڑیاں دی گنتی بے حدّ ودھ گئی سی۔ نتیجہ ایہہ ہویا کہ چین وچّ چاول دی فصل تباہی دے کنڈھے تے پہنچ گئی جدکہ باقی فصلاں نوں ٹڈّی نے بے پناہ نقصان پہنچایا اتے پورے ملک وچّ قحط پے گیا۔ ماؤ نے چڑیاں مارنا بند کرن دے اتے اسدی تھاں کھٹمل مارن دے حکم دتے۔ پر ادوں تکّ بہت دیر ہو چکی سی۔ قحط تقریباً دو کروڑ لوکاں دی موت دا سببّ بنیا۔

حوالے[لکھو]

  1. Summers-Smith, J. Denis (1992). In Search of Sparrows. London: Poyser, 122–124. ISBN 0-85661-073-9. 
  2. Shapiro, Judith Rae (2001). Mao's War Against Nature: Politics and the Environment in Revolutionary China. Cambridge University Press. ISBN 0-521-78680-0. Dikotter, Frank (2010). Mao's Great Famine. New York: Walker & Co., 188.