چک چکیرا

چکچکیرا

دیس:	جنور
برادری:	کورڈیٹ
ٹولی:	پنچھی
ٹبر :	چکچکیرا لنیاس، 1758
ٹوکرا :	چکچکیرا
سائینسی ناں:	Upupa epops

چکی راہا (Hoopoe), اک رنگدار پنچھی ہے جو افریقہ،یورپ اتے ایشیا(ایفرو یوریشیا) وچّ پایا جاندا ہے۔ اس نوں چکی روہنا جاں چکّ چکیرا وی کہندے ہن۔ بہہتیاں ہندوستانی بولیاں وچّ ہدہد کیہا جاندا ہے۔ پنجابی وچّ 'چکی راہا' اصل وچّ اوہ بندے نوں کہندے ہن جو آٹا پیسن والی چکی دے اپرلے پڑ نوں چھینی اتے ہتھوڑی نال کھردرا کردا جاں راہندا ہے۔ اس پنچھی نوں ایہہ ناں اس لئی دتا گیا ہووےگا کہ ایہہ اپنی چنجھ دی ورتوں چکی راہے دی چھینی وانن کردا ہے۔ ایہہ پرجاتی الوپ ہون دے خدشے ہن۔ 1987 توں پہلاں چکی روہا پنجاب ،بھارت دا راج پنچھی سی۔^[۱] ایہہ فصلاں نوں نقصان پہنچاؤن والے کیڑے-مکوڑے کھا جاندا ہے۔ اس لئی اس پنچھی نوں کساناں دا دوست سمجھیا جاندا ہے۔

چک چکیرا چٹے کالے تے گلابی بورے رنگاں دا اک نکا پنچھی اے۔ اے ایشیاء، افریقہ تے یورپ وچ ہوندا اے۔ اسدے سر تے پراں دی کلفی وی بنی ہوئی ہوندی اے۔ اے دیس پنجاب دا عام پرندا اے۔ ایہ اپنے ٹبر دا کلا پنچھی اے۔

ناں[لکھو]

اس پرندے دے پنجابی وچ وکھ وکھ علاقےآں کئی وکھ وکھ ناں نیں جنہاں وچ چک چکیرا ، چکیراہا ، چکی جھولا وغیرہ نیں تے اردو وچ اسنوں ہد ہد آکھیا جاندا اے ۔

وکھالہ[لکھو]

ایہ مدرے ناپ دا 25–32 سینٹی میٹر (9.8–12.6 انچ) لما پنچھی اے۔ ایہدا پرپسار 44–48 سینٹی میٹر (17–19 انچ) ہوندا اے تے جوکھ 46–89 گرام۔ ایہ پنچھی اپنی چنج تے کھمباں توں دوروں پچھانیا جاندا اے۔ ایہدی چنج لمی گینتی ورگی ہوندی اے جیہڑی زمین وچ کھان پین لبھن وچ کم آندی اے۔ ایہدے چوڑے تے کول پر ہوندے نیں جیہڑے تیز اڈاری وچ کم آندے نیں۔