کنفیوشس

کنفیوشس
جم	551 ای پو زاؤ، لو راج
موت	479 ق م (عمر 71-72) لو راج
کون اے	چینی
ویلہ	پرانا فلسفہ
علاقہ	چینی فلسفہ
سکول	کنفیوشسزم دا بانی
مکھ رچیاں	سیاسی فلسفہ ، سماجی فلسفہ ، پالیسی شاستر
مکھ وچار	کنفیوشسزم
متاثر کرن والے I Ching، Book of Rites
متاثر ہون والے Many Chinese philosophers، particularly Mencius، Xun Zi، the Neotaoists and the Neoconfucians; François Quesnay; Christian Wolff; Robert Cummings Neville; Ezra Pound

کنفیوشیئس

کنفیوشیس جاں کنگفیوشیئس(چینی: 孔子; پن-ین: Kǒng Zǐ) (551-479ق م) اک چینی وچارک اتے سماجی فلسفی سی جس دے فلسفے نے چینی، کوریائی، جاپانی اتے ویتنامی سبھیاچاراں اتے کافی اثر پایا اے۔ جس ویلے بھارت وچ مہاویر اتے بدھ دھرم دے تعلق وچ نویں وچار رکھ رہے سن، چین وچ وی اک سدھارک دا جم ہویا، جسدا نام کنفیوشیئس سی۔ اس ویلے چین وچ ژوؤ شاہی خاندان دا بہار تے خزاں ویلہ چل رہا سی۔ ویلے دے نال ژوؤ شاہی خاندان دی طاقت کمزور پین دے کارن چین وچ بہت سارے راج قایم ہو گئے، جو ہمیشہ آپس وچ لڑدے رہندے سن۔ اسنوں جھگڑدے راجاں دا دور کیہا جان لگیا۔ اس کر کے چین دی پرجا بہت ہی دکھ سہہ رہی سی۔ اجیہے ویلے وچ چین واسیاں نوں اخلاقیات دا پاٹھ پڑھاؤن لئی مہاتما کنفیوشیئس دی آمد ہوئی۔

کنفیوشس (551–479 م پ) اک پرانا چینی فلسفی، لکھاری، سیاسی آگو سی جیہڑا چینی تریخ دے بسنت تے پت چڑ ویلے ہویا۔جیدیاں سوچاں نے چین جپان کوریا تائیوان تے ہوراں دیساں دیاں رہتلاں تے گوڑے رنگ لا‎ۓ۔

کنفیوشس نے ذاتی تے سرکاری اخلاق تے ویہار ، انصاف ، خلوص تے رشتیاں دے ٹھیک ہون تے زور دتا۔ کنفیوشس دیاں اے سوچاں چین دیاں دوجیاں سوچاں توں بہوتیاں منیاں گیاں۔ ہان راجٹبر دے چین تے راج ویلے وج کنفیوشس دیاں سوچاں نوں سرکاری تھاپڑا ملیا تے ایہ سوچاں اک پربندھ دا روپ دھاردیاں نیں۔ کنفیوشس دیاں سوچاں چینی ریت رواج دیاں مڈھ نیں۔اوہنے تکڑے ٹبر، پرکھ پوجا، وڈیاں دی نیانیاں کولوں آدر تے جنیاں دی زنانیاں ہتھوں آدر کرن دا آکھیا۔ اک ٹبر نوں اوہنے اک چنگی سرکار دا مڈھ منیا۔ اوہنے ای ایہ گل آکھی جے "دوجیاں نال اوہ نہ کرو جیہڑا تسیں تسیں اپنے نال نہیں ہون دینا چاہندے۔" کنفیوشس 551 ق م چ چین دے کوفو تھاں تے جمیا تے 479 ق م نوں مر گیا۔

ناں

کنفیوشس دا ایہ ناں 16ویں صدی دے اک پرتگالی پرچارک میٹیو رچی نے چینی ناں کونگ فیوزی توں بنایا۔

551 ق م کنفیوشس دا جمن ورہ منیا جاندا اے تے لو سرکار دا نگر زو جیہڑا ہن شانڈونگ وچ کوفو اخواندا اے۔ اوسدا پیو کونگ ہی لو سرکار وچ اک فوجی افسر سی۔ کنفیوشس ہجے 3 ورے دا سی جے اوہدا پیو مر جاندا اے۔ اوہدی ماں یان زینگزائی بڑی غریبی وچ اوہنو پالدی اے۔ اوہ 19 وریاں دا سی جدوں اوہدا ویاہ چیگوان نال ہوندا اے تے سال مگروں اوہدا پتر کونگ لی جمدا اے۔ کنفیوشس دا تعلق سماج دی وشکارلی پدھر نال سی۔ اوہنے اجڑی، گوالے، کلرک تے کتاباں سامبھن دے کم کیتے۔