گراہم گرین

وکیپیڈیا توں
Jump to navigation Jump to search

گراہم گرین ( 1904–1991 ) : انگریزی ناول کار گراہم گرین ( Graham Green ) دا جم 2 اکتوبر 1904 نوں ہویا ۔ اس دے پیؤ چارلس ہینری گرین برکھامسٹیڈ سکول دے ہیڈماسٹر سن ۔ اک حساس بچے دے طور تے گراہم گرین دی مڈھلی سکھیا روائتی مڈل کلاس دے پروٹیسٹینٹ مت نوں منن والے لوکاں دی طرحاں ہوئی ۔ سکولی سکھیا نے گراہم گرین دی شخصیت تے بااثر اثر پایا ۔ مگر بلیئول اتے آکسفورڈ ، جتھے اس نے اچیری سکھیا حاصل کیتی نے گرین نوں متاثر نہیں کیتا ۔ اچیری سکھیا دے مرکزاں توں گرین مطمعن نہیں سی ۔ سبھاوک طور تے اوہ بہت وڈا ودوان تاں نہیں سی پر تیز بدھی والا پھرتیلا انسان سی اتے تعمیلی کامیابی لئی بےقرار سی ۔

جیون[لکھو]

آکسفورڈ چھڈن اپرنت گرین مشرق ول جانا چاہندا سی ۔ مڈل کلاس دے لڑکیاں لئی ایہہ کوئی اعام گل نہیں سی ۔ انگلینڈ وچ بوہتی گنتی اوہناں نوجواناں دی سی جو جدید مغربی صنعتی سماج توں کھہڑا چھڈاؤنا چاہندے سن ۔ مشرق وچ اوہ اپنی من-پسند دا لائیف سٹائیل اپنا سکدے سن جو اوہناں نوں گھر وچ مہیا نہیں سی ۔ جارج ایٹکنز لکھدا اے ، “ مشرق اچھا مطابق ساہسی کم ، پیسے اتے کام برتی لئی مشہور سی ۔ " گرین چین وچ اک تمباکو دی کمپنی وچ کم کرنا چاہندا سی ۔ بعد وچ اس نے کنسولر سروس وچ شامل ہو کے نائجیریئن نیوی وچ جان دا من بنایا ۔ پر انت وچ اس نے بنھاں تنخواہ دے صرف تجربے خاطر نوٹنگھم جرنل وچ نوکری کیتی ۔ اس ویلے دوران گرین دی ملاقات کیتھولک پادری فادر ٹرولپّ نال ہوئی ۔ تن مہینے بعد فروری 1926 وچ اوہ کیتھولک چرچ وچ شامل ہو گیا ۔ اکتوبر 1927 وچ اسے پادری نے ہی اس دا ویاہ اک نوجوان اتے خوبصورت لڑکی وویئن نال کروا دتا ۔ کجھ سالاں دی خاندانی امن اپرنت ، گرین تے اس دی بیوی وچلے رشتے وچ تریڑ آ گئی اتے اس دی بیوی الگ رہن لگ پئی مگر گرین دے اپنی بیوی نال دوستانہ تعلقات قایم رہے ۔

ناول دی خصوصیت[لکھو]

گرین دے ناول جگت دا ماحول ، کردار چترن ، دماغی اتے ادھیاتمک بودھکتا نجی تجربیاں وچوں اتپن ہوئے ہن ۔ تشدد دی پیڑا اتے ناکامیابی توں اتپن نراشتا نے اس دے ساہت `تے نواں رنگ چاڑھیا ۔ ایہہ سارا کجھ اس دی مڈھلی زندگی نال جڑیا ہویا اے ۔ گرین مطابق بچپن وچ بچہ انند بھرپور اتے معصومیت دا نہیں سگوں اس دے بالکل الٹ اک بے ہودہ ، بے تکی اتے ہاسوہینی دنیا دا سامہنا کردا اے جس وچ نیتک پتن ، بدی اتے گناہ سکھراں چھونہدے ہن ۔ گرین دے مڈھلے وچاراں وچ ویلے دی رفتار نال پرپکتا آ گئی جنہاں نے لکھاری دے روپ وچ گرین دی نظر دا اساری کیتا ۔ جنت اتے جہنم نال متعلق وچار گرین دے دماغ وچ پکی طرحاں گھر کر گئے اتے اوہ ساری عمر ایہناں توں الگ نہیں ہو سکیا ۔ گرین نوں ایہہ احساس سی کہ دیوی طاقتاں انسان دی زندگی تے گہرا اثر پاؤندیاں ہن ۔ اپنے اپنیاس جرنی وداؤٹ میپس وچ اوہ دسدا اے کہ کویں نیند دے دوران اس نوں ڈر لگدا سی کہ باہرلیاں طاقتاں اندر داخلہ کرن لئی ططپر ہن ۔ کامو اتے کاپھکا ورگے مشہور دارشنکاں دی طرحاں گرین نوں باہرلی یتھارتھکتا توں ڈر لگدا سی ۔ اپنے لیکھاں دی کتاب دے پرسنل پوسٹ- سکرپٹ وچ گرین لکھدا اے کہ :

ستارھاں سال دی عمر وچ بھیانک اکتاء دی حالت وچ میرا پیار اپنی بھین دی گورنیس نال ہو گیا ۔ اسے عمر وچ انسان دا پیار اسپھلتا اتے ناکامیابی نال وی ہو سکدا اے جس اپرنت کامیابی دا سواد ادھا رہِ جاندا اے ۔

گرین دی بھیانک اکتاء دی حالت نوں سگمنڈ فرائڈ دی نفسیات نال وی جوڑیا جا سکدا اے ۔

رچے ناول[لکھو]

لکھاری دے طور تے گرین دی حصول بہپکھی اے ۔ اس نے ستائی دے قریب ناول لکھے ۔ اس دے پرمکھ ناول ہن:-

  • دا مین ودئن ( 1929 ) ،
  • دا نیم آف ایکشن ( 1930 ) ،
  • ریومر ایٹ نائیٹ فال ( 1931 ) ،
  • سٹیمبول ٹرین ( 1932 ) ،
  • اٹ اج اے بیٹلفیلڈ ( 1934 ) ،
  • انگلینڈ میڈ می ( 1935 ) ،
  • اے گنّ فار سیل ( 1936 ) ،
  • برائٹن راک ( 1938 ) ،
  • دا کانفیڈینشل ایجنٹ ( 1939 ) ،
  • دا پاور اینڈ دا گلوری ( 1940 ) ،
  • دا منسٹری آف فیئر ( 1943 ) ،
  • دا ہارٹ آف دا میٹر ( 1948 ) ،
  • دا تھرڈ مین ( 1950 ) ،
  • دا فالن آئیڈل ( 1950 ) ،
  • دا اینڈ آف دا افیئر ( 1951 ) ،
  • لوزر ٹیکس آل ( 1955 ) ،
  • دا کوائٹ ایمریکن ( 1956 ) ،
  • اور مین ان ہوانا ( 1958 ) ،
  • اے برنٹا آؤٹ کیس ( 1961 ) ،
  • دا کومیڈیئنز ( 1966 ) ،
  • ٹریولز ود مائی آنٹ ( 1969 ) ،
  • دا آنریری کاؤنسل ( 1973 ) ،
  • کیپٹن اینڈ دا اینیمی ( 1988 )

ایہناں توں علاوہ کئی ناٹک ، کہانیاں ، لیکھ ، بچیاں لئی کتاباں ، فلمی تنقید ، ٹریول بکس ، جیونیاں اتے دو جلداں وچ اپنی سویجیونی وی لکھی ۔

بھاویں گرین جماندرو کیتھولک نہیں سی پر عقیدت اتے صدق دے طور تے اس نے کیتھولک دھرم قبول کیتا جس دے اثر دی جھلک اس دے ناولاں وچ نظر ہندی اے ۔ ناول وچ کہانی نوں بخوبی نبھاؤنا ہی گرین دی مکھ وشیشتائی اے ۔ اس دے ناولاں دے مکھ موضوع ہن : انسان غلطی دا پتلا اے اتے شروع توں ہی پاپ نال جڑیا ہویا اے ۔ کیونکہ دنیا وچ پاپ اتے بد-اخلاقی زوراں تے ہن ، ممکن اے کہ مسومتا اس نوں پاپ ول آکرشت کرے ۔ بھاویں انسان گناہ گار اے اتے برائی ول جلدی آکرشت ہو جاندا اے پھر وی پرماتما دی بخشش نال اس نوں پاپاں توں مکتی حاصل ہو سکدی اے جو کہ رومن کیتھولک دھرم وچ اوہناں سارے ویکتیاں نوں مہیا اے جہڑے سچے دلوں پاپاں توں چھٹکارا پاؤن لئی پشچاتاپ کردے ہن ۔ انسان وچ سنت اتے پاپی دوویں ہی بنن دے لچھن موجود ہن پر پرماتما ول جھکاء نال اوہ گناں دے راہ `تے چل سکدا اے ۔ بھاویں ایہو جاے آمورت سارے دھرماں وچ ملدے ہن مگر رومن کیتھولک دھرم وچ پاپ دی چیتنتا `تے بہت زور اے ۔ ایہہ چیتنتا گرین دیاں ساہتی رچناوا وچ موجود اے ۔ اسے لئی وسترت طور ’ تے گرین نوں اک مذہبی ناول کار دا درجہ دتا جا سکدا اے ۔[1]

ہورویکھو[لکھو]

حوالے[لکھو]

  1. لکھاری : اوتار سنگھ، سروت : بال وشوکوش (بولی، ساہت اتے سبھیاچار)، پبلیکیشن بیورو، پنجابی یونیورسٹی، پٹیالہ

باہرلےجوڑ[لکھو]