گلاب کور

وکیپیڈیا توں
Jump to navigation Jump to search
Gulab Kaur,Indian freedom fighter.jpg
جم گلاب کور
پنڈ بکھشیوالا ، ضلع سنگرور ,پنجاب بھارت
کون اے بھارتی
کِتہ غدری آزادی کارکن

گلاب کور ہندستان دی آزادی لڑائی دی غدر پارٹی نال جڑی آزادی کارکن سی۔

گلاب کور دا جنم اندازاً 1890 نوں پٹیالہ ریاست دے (ہن سنگرور ضلعے وچّ) سنام لاگے بکھشیوالا پنڈ ’چ ہویا سی۔ اس دا ویاہ پنڈ جکھیپل دے مان سنگھ دے نال ہویا۔[1] ہورناں پنجابیاں وانگ اوہ وی اپنے شوہر نال امریکہ جان لئی فلپائن دے راجگڑھ منیلا جا پجی۔ اتھے اوہناں دا واہ غدری انقلابیاں نال پیا اتے اوہ غدر پارٹی نال جڑ گئے۔[1] اس دا شوہر منیلا راہیں امریکہ جانا چاہندا سی کیونکہ اس موقعے ہندیاں دے سدھے داخلے ’تے کئی پابندیاں لگّ چکیاں سن۔ دوویں شوہر زنانی منیلا پجے۔ اجے اوہ منیلا وچّ ہی سن کہ امریکہ-کینیڈا توں غدری سوربیر جاناں تلی ’تے دھر کے غدر مچاؤن خاطر دیس نوں پرتن لگّ پئے۔ انہیں دنیں گردوارے ہی سماگم تھاں ہندے سن، جتھے باہروں پرتدے غدری آگوُ دیش واسیاں نوں آزادی لڑائی لئی پریردے۔ ایہہ میاں-بیوی وی لگپگ ہر روز گردوارے آؤندے تے تقریراں سندے۔ جس بولی اتے لحظے وچّ ایہہ تقریراں ہندیاں، انھاں نوں سن کے کوئی وی شخص متاثر ہوئے بناں نہیں رہِ سکدا سی۔ اسے دوران اس شیرنی نے آزادی دیوی نوں اپنا اشٹ تھاپ لیا۔اک دن دیوان دی حاتمے ’تے منیلا واسیاں ولوں غدر کرن لئی دیس پرتن والیاں دی لسٹ بنن لگی تاں سردار مان سنگھ نے وی ناں لکھا دتا، سو دوویں دیس آؤن لئی تیار ہو گئے۔ جدوں جہاز چلن دا ویلا آیا تاں مان سنگھ دا من ڈول گیا اتے اوہ دیس پرتن توں انکاری ہو گیا پر اس شیرنی نے شوہر پچھے لگن دی تھاں س نوں جھاڑ پائی تے گرجویں آواز وچّ کیہا، ‘‘تسیں جاؤ بھاویں نہ جاؤ، ایہہ تاں تہاڈا اپنا فیصلہ ہے پر میں تے ضرور جانا ہے تے جا کے دونا کم کرنا ہے کیونکہ تہاڈے حصے دا کم وی تاں میں ہی کرانگی۔’’ مڈھوں-سڈھونں سفر تے روانگی ویلے شوہر دا ساتھ ضروری سی پر غدر خاطر دیس پرتن دا سدھا نتیجہ اپنے شوہر نوں چھڈنا سی۔ ایہہ اک کھلھی بغاوت سی اتے ہن نہ پیکیوں اتے نہ ہی سہریوں کسے نے بانہہ پھڑنی سی پر اجہیاں ہستیاں اگے اجہیاں رکاوٹاں دی کوئی حیثیت نہیں ہندی۔[2] گلاب کور بارے پنجابی وچّ س. کیسر سنگھ نے اک کتاب وی لکھی ہے ۔ [3]

حوالے[لکھو]