غدر پارٹی

وکیپیڈیا توں
Jump to navigation Jump to search
غدر دی گونج، غدری ویراں دیاں راشٹروادی اتے سماج وادی لکھتاں دی اک پہلی پرکاشنا جس تے 1913 وچّ پابندی لا دتی گئی سی

غدر پارٹی غلام ہندستان نوں انگریزاں توں آزاد کراؤن دے ادیش نال بنایا اک سنگٹھن سی۔ اسنوں امریکہ اتے کینیڈا دے بھارتیاں نے 25 جون 1913 وچّ بنایا سی۔ اسنوں پرشانت تٹ دی ہندی ایسوسی ایشن (Hindi Association of the Pacific Coast) وی کیہا جاندا سی۔ ایہہ پارٹی غدر نام دا پتر وی کڈھدی سی جو اردو اتے پنجابی وچّ چھپدا سی۔ پہلی وڈی لڑائی دے چھڑدے ہی جدوں بھارت دے ہور دل انگریزاں نوں سہیوگ دے رہے سن غدریاں نے انگریزی راج دے ورودھ جنگ گھوشت کر دتی۔

سیاست دا بدل[لکھو]

غدر لہر اک اجیہی لہر سی جس نے پہلی وار انگریز سامراج ساہمنے انقلابی سیاست دا بدل پیش کیتا۔ بھاویں غدری سیاست دیاں اپنیاں کئی کمزوریاں سن پر اس نے انگریز سامراج نوں بدلن اتے لوک-پکھی نظام تے بھوکھ نوں سرجن دا سپنا ساہمنے لیاندا۔ اس سپنے نوں سمپورن کرن لئی غدریاں نے سیاسی پارٹی دی اساری تے سیاست دی مہتتا نوں سمجھیا۔ غدریاں دی اس سمجھ نے اوہناں نوں غلامی دا تیبر احساس کروایا تے آزادی لئی سیاسی چیتنا دی ضرورت ولّ زور دین دے راہ توریا|

سکھ لہر نہیں سی[لکھو]

غدریاں وچّ بہو-گنتی سکھاں دی ہون کرکے ایہہ بھلیکھا پینا قدرتی ہے کہ غدر لہر کیول ‘سکھ لہر’ سی۔ اس نقطے نوں سمجھن لئی ضروری ہے کہ غدریاں دی سیاست نوں سمجھیا جاوے۔ اس وچّ کوئی شکّ نہیں کہ بہتے غدری پنجابی، سکھ، امرتدھاری، جٹّ-سکھ، نامکٹے فوجی، کسان آدی سن۔ پر اس توں وی ودھ اوہ انقلابی سن۔ غدریاں دی شناخت انقلابیاں دے طور ’تے ہونی چاہیدی ہے نہ کہ اوہناں نوں کسے دھرم، علاقہ جاں جات آدی نال جوڑ کے ویکھیا جانا چاہیدا ہے۔ ‘غدری’ اتے ‘انقلابی’ سمانارتھی شبد بن گئے ہن۔ اس دا پرمکھ کارن ایہہ ہے کہ غدریاں دی زندگی دا اکو-اک مقصد انگریز سامراج دی غلامی توں چھٹکارا پاؤنا سی۔ اس مقصد نوں پورا کرن لئی اوہناں اپنے تن، من تے دھن دی پرواہ نہیں سی کیتی۔ سو، غدریاں نوں کسے وشیش دھرم جاں جات نال جوڑ کے ویکھنا اوہناں دیاں بے مثال قربانیاں نوں بے حدّ گھٹّ کر کے ویکھنا ہے۔

سامراجی لٹّ تو تنگ[لکھو]

غدری اپنے ملک دی سامراجی لٹّ توں تنگ آ کے پردیسیں گئے سن۔ اپنے گھر دی گھور غریبی تے پردیس وچلے نسل واد نے اوہناں نوں دوہری غلامی دا احساس کروایا سی۔ اس دوہری غلامی نوں ختم کرن لئی اوہناں نے سر تلی ’تے رکھے سن۔ اوہ موت توں بے پرواہ ہو کے انقلابی سیاست دے میدان وچّ کدے سن۔ اس سیاست وچوں ہی ‘ہندی ایسوسی ایشن آف پیسیپھک کوسٹ’ ناں دی جتھیبندی دا جنم ہویا سی۔ اس جتھیبندی نے اپنے سیاسی وچاراں نوں پھیلاؤن لئی ‘غدر’ اخبار دی پرکاشنا کیتی سی۔ اس اخبار دے ناں ’تے ہی ‘غدر پارٹی’ دا ناں پرچلت ہو گیا سی۔

دھارمک ورثہ[لکھو]

ملک دی ہو رہی بے انتہا لٹّ نوں ختم کرن لئی غدری اپنے دھارمک انقلابی ورثے دا سہارا وی لیندے ہن۔ اوہ سمجھدے سن کہ پنجاب دے سادھارن لوک اجے سیاسی طور ’تے پورن چیتن نہیں ہن۔ ایہناں نوں جیکر سیاسی چیتنا دینی ہے تاں سکھ دھرم دی انقلابی وراثت نوں نال لے کے ترنا ہووےگا۔ ایہہ غدریاں دی بالکل درست تے پرگتیشیل سوچ سی۔ پر غدر لہر دا مقصد سنگھ سبھا لہر جاں اس ویلے چلیاں دھارمک پنر جاگرن دیاں لہراں وانگ سکھ دھرم دی پنر-ستھاپتی نہیں سی۔ غدر لہر دا نشانہ بالکل سپشٹ سی۔ ایہہ نشانہ انگریز حکومت نوں بھارت وچوں ہتھیاربند یدھ راہیں ختم کرکے اتھے بھارتی لوکاں دی ستا نوں ستھاپت کرنا سی۔ ایہو کارن ہے کہ اپنے آپ نوں سچے-سچے سکھ کہاؤن دے نال-نال اوہ ہندوستانی کہاؤن دے چاہوان ہن۔ غدریاں دی ایہو چاہت اوہناں نوں دھرم-نرپکھّ سیاست ولّ توردی ہے۔ غدریاں دیاں لکھتاں وچّ کتے وی دھارمک کٹڑپنے جاں دھارمک ولگناں وچّ گھرے ہون دے ثبوت نہیں ملدے۔ اس دے الٹ اوہ اپنی سیاست دھرم نرپکھتا نوں اپنا کے دھارمک کٹڑپنے دا سخت ورودھ کردے ہن۔

غریب سکھاں دے حق دی راکھی[لکھو]

غدریاں دی سیاست اوہناں غریب سکھاں دے حق وچّ بھگتدی سی جو کرت کردے سن تے ونڈ کے چھکدے سن اتے کرتی لوکاں دے راج لئی نام جپ کے آتمک شکتی پراپت کردے سن۔ غدری بابیاں وچوں جو امرتدھاری سن اوہ وی دھرم نوں ہریک دا نجی مصلیٰ مندے سن۔ اوہناں ولوں پارٹی دے سنویدھان انوسار دھارمک بحثاں کرن دی آگیا نہیں سی دتی گئی۔ غدریاں دی دھرم نرپکھتا دا پتہ اس گلّ توں وی سہجے ہی لگّ جاندا ہے کہ پارٹی دے عہدیداراں دی چون وچّ ہندو تے مسلماناں نوں پوری اہمیت دتی گئی۔ پارٹی دے پہلے جنرل سکتر لالا ہردیال جی، خزانچی پنڈت کاشی رام جی اتے آرگینائیزنگ سکتر کریم بخش تے منشی رام جی سن۔

پہلی سیاسی لہر[لکھو]

غدر دی گونج رسالے دے دوسرے سنسکرن دا مکھ پنہ جس وچ بھارتماتا نوں غلامی دیاں زنجیراں وچوں نکالن لئی سشستر جدوجہد دا آغاز درسایا ہے۔

آدھونک دور وچّ چلیاں وکھ-وکھ سیاسی لہرا وچوں غدر لہر اکو-اک پہلی لہر ہے جس نے سبھ توں پہلاں سمپورن سوراج دا نعرہ دتا۔ غدریاں دے سمپورن سوراج دی سیاست تتکالین کانگرس پارٹی دی سودھوادی سیاست دی نکھیدھی کردی سی۔ غدری سمجھدے سن کہ آدرشوادی تے سدھاروادی سیاست دی اپنی سیما ہندی ہے۔ اوہ چیتن سن کہ گاندھیوادی سیاست دیاں سیماواں نوں سمجھ کے اس دے سمانانتر اک سارتھک تے ججھارو سیاست نوں اسارن دی لوڑ ہے۔ غدر لہر دی 1914-15 دی اسفلتا توں بعد اتے 1917 دے بالشوک انقلاب اپرنت تاں غدر پارٹی دی سیاست وچّ بنیادی تبدیلی واپری سی۔

کرتی لوکا دی لہر[لکھو]

ہن ایہہ یرکاؤ اتوادی سیاست نوں تلانجلی دے کے انقلابی سیاست راہیں سماج دی بنیادی تبدیلی ولّ اگرسر ہو گئی سی۔ پارٹی لیڈراں نے انھے جذبے نوں تیاگ کے آتم شکتی نوں پچھاندیاں کرتی لوکاں دے سنگٹھن نوں پرمکھتا دینی شروع کر دتی سی۔ غدری سیاست نے کرتی-کساناں دیاں سمسیاواں نوں سمجھ کے اپنی سیاست دیاں واگاں سماج وادی انقلاب ولّ موڑ لئیاں سن۔ ہن غدریاں نوں سمجھ آ چکی سی کہ دشمن کیول انگریز سامراج ہی نہیں ہے بلکہ دیش وچلے سرمائیدار، شاہوکار، رجواڑے آدی وی کرتیاں تے کساناں دے دشمن ہن۔ غدریاں دی سیاست وچّ آئی اس تبدیلی دے سٹے وجوں اس دا وچاردھارک ورودھ کانگرس نال پیدا ہندا ہے۔ غدری سیاست تتکالین کانگرس پارٹی نوں دھنی لوکاں دا ٹولا کہندی ہے|

غدری کویتا[لکھو]

غدری کویتا دیاں ایہہ ستھراں غدری سیاست دے پورن سوراج دی ستنترتا توں سماج وادی سیاست ولّ ودھن دیاں پرتیک ہن۔ ہن ایہہ لہر کرتی-کساناں نوں ‘پنچائتی راج’ ستھاپت کرن لئی چیتن کرن لگی سی۔ ہن اس دے دشمن انگریز حاکماں دے نال-نال سامراج دے دلال سرمائیدار وی سن۔ غدری سیاست اندرونی تے بہرونی دشمناں دا صفایا کرکے صحیح مائنیاں وچّ پنچائتی لوک راج ستھاپت کرن دی چاہوان سی۔ غدری جاندے سن کہ اس سپنے دی پورتی کیول گلاں کرکے ہی سنبھوَ نہیں ہو سکنی سگوں لوکپکھی سیاست نوں عمل وچّ ڈھال کے ہی سنبھوَ ہو سکدی ہے۔ ایہہ سیاست سر دی منگ کردی ہے۔ غدری سر دی بازی لاؤن توں کدے پچھے نہ ہٹے۔ اوہ اپنے سچے-سچے کردار، قربانی تے سدکدلی کرکے اج وی یاد کیتے جاندے ہن۔

غدری میمبر[لکھو]

ایہناں غدری سیاستدان ہن جنہاں دے پرسوارتھ تے تیاگمئی جیون توں اجوکی اگانھ ودھو سیاست نوں بہت کجھ سکھن دی لوڑ ہے۔ جدوں اسیں کھبے-پکھی سیاست دی اتہاسک گتی شیلتا ’تے نظر ماردے ہاں تاں نتیجے نراشاجنک ہی نکلدے ہن۔

غدری سیاست[لکھو]

غدری سیاست دی وراثت نوں اگانھ لے جان والی سیاست اوہ سٹے نہ کڈھ سکی جو غدریاں نے کدے سوچے سن۔ اجوکے وشویکرن دے دور وچّ جدوں ہندوستان اک وار پھیر نوَ-سامراجی نیتیاں وچّ بری طرحاں پھس چکا ہے، اس ویلے بھارت دی لوک-پکھی سیاست پوری طرحاں حاشیے ’تے چلی گئی ہے۔ اج جدوں پوری دنیاں وچّ پونجیوادی سنکٹ دے سٹے وجوں لوک-پکھی سیاست دے ابھار لئی زمین تیار ہو رہی ہے تاں سوال پیدا ہندا ہے کہ ہندوستان دی ‘لوک-پکھی’ سیاست لوکاں توں دور ہو کے کیوں کھڑی ہے۔ انیکاں دھڑیاں وچّ ونڈی لوک-پکھی سیاست غدریاں دی سیاست توں کوئی سارتھک سبق نہ سکھدی نظر آ رہی ہے۔ لوک-پکھی سیاست دی لگپگ انہوند ورگی ستھتی ویکھ کے تاں لگدا ہے کہ غدریاں دے سپنیاں دا سماج سرجن لئی غدر لہر دیاں اجے کئی ہور جنم-شتابدیاں دی لوڑ پویگی۔

ہور دیکھو[لکھو]

  1. http://www.ghadarmemorial.net/ghadarpartyhistory.htm
  2. http://iref.homestead.com/GadarParty.html
  3. http://www.bhagatsinghthind.com/gadarcourage.html