گلبرگ
گلبرگ لہور پاکستان دا مشہور علاقہ اے۔ رہائشی علاقے دے نال نال ایتھے بڑی وڈی گنتی چ دفتر، بنک، کمرشل ادارے،سکول و کالج،ھوٹل تے ریسٹورینٹ، شاپنگ سینٹر وی ھیگے نیں۔ لہور دا سب توں وڈا کمپیوٹر تے موبائلاں دا بازار حفیظ سینٹر وی ایس علاقے چ ای ھیگا اے۔ مین بلیوارڈ گلبرگ دی وڈی تے مشہور سڑک اے جیڑی شیر پاؤ پل دے نیڑے جیل روڈ نال رل جاندی اے۔ اے گلبرگ دی مرکزی سڑک اے۔
گلبرگ دا ناں فارسی چ گل (پھُل) تے باغ(پنجابی چ وگاڑ ’برگ’)دے میل نال بنیا اے۔ اے ماضی چ اپنے باغاں دی وجہ توں مشہور سی۔
خصوصیات
[سودھو]اے علاقہ اپنے ماڈرن تے نویں طرز دے ھوٹلاں تے شاپنگ سینٹراں دی وجہ توں وی مشہور اے۔ پاکستان دی فیشن دی صنعت نال تعلق رکھن آلے لوکاں لئی اے علاقہ جنت توں کٹ نئی اے۔ نت نویں کپڑیاں تے جوتیاں دی دکاناں ایتھے ای نیں۔ لہور دے دو وڈے تے مشہور بازار لبرٹی تے مین مارکیٹ ایس علاقے چ ھیگے نیں۔ لبرٹی خریداری تے فیشن دے حوالے توں ایس علاقے دا وڈا جانا پچھانا بازار اے۔ لہور تے پاکستان دے ہر پاسے توں لوکی خریداری کرن ایتھے آندے نیں۔ مین مارکیٹ دے نال لگدااک نواں بازار اوریگا دے ناں توں مشہور اے۔ ہر قسم تے فیشن دا کپڑا، گھریلو شیواں دے سٹور،ہر قسم تے ضرورت دیاں شیواں ایتھے وکدیاں نیں۔ ٹریفک جام ہونا ایتھے روز دا کم اے۔ ایس توں وکھ الفتح تے پیس وی ایتھوں دے مشہور سٹور نیں۔
پاکستان کرکٹ دا راجکعر قذافی سٹیڈیم سپورٹس کمپلیکس ایس علاقے چ ای ھیگا اے۔
ہور ویکھو
[سودھو]
بارلے جوڑ
[سودھو]- ٹاؤن گورنمنٹ Archived 2008-04-23 at the وے بیک مشین
- گلبرگ دا نقشہ